مساء الخير
كيفكم ****لله مستانسين بعطلة الاسبوع
اليوم باقولكم وش صارمعي في ماكدونالدز
بما ان اليوم الاربعا ء رحت انا وزوجي وولدي نتعشا فية اول مادخلت مع الباب شميت ريحة لعطر الي صك راسي الا واشوفلكم ذيك المصيبة الي واقفة على الارض:09:ذيك البنت الطويلة الي لابسة اسكيني وقصة اشعر بوي ومنفشتة ونامصة ذا الحواجب والعباية مفتوحة كلها ومنزلة الطرحة على رقبتها ومعها وحدة ثانية بس لابسة عباية كتف وحاطة الطرحة على راسها بس ماهي لافتها نحرها كلة طالع والسلسال يلق من بعيد المصيبة ماهي كذاء وبس المصيبة انهن واقفات على الكونتر حق الرجال ومتكية عليها وقادت ينتظرن الطلب وسط الرجال ويوم اخذت الطلب قامت تنادي العامل بصمت عالي وتقول (محمممممممد فية مكان رد عليها وهوباين علية مرتبك ومفجوع وقلها لا مافية كابينة فاضية قامت هي والي معها وراحو قعدو بالطاولات المكشوفة والي رايح والي جاي يناضر فيهم والشباب زحمة عند الباب والمواقف كلها فل بعض الشباب وقفو السيارة ورى المطعم وقعدو يركضون على رجولهم بيدخلون يشوفونهن اناوزوجي اول ماشفناهم والزحمة الي هم مسببينها على طول طلعنا ورحنا مطعم ثاني بس والله يابنات عجزاتعشى زين من ها الشوفه الي شفتها بس افكر فيه اقول ليش سوت كذا وين اهلها عنها ولله الدنيا ماعاد فيها امان الله لايسخط فينا يارب وتهديها ووترشدها الى السراط المستقيم
ولاتغظب علينا يارب :44:
شاركي في النقاش
سجلي الدخول لإضافة تعليق.
التعليقات
184مواضيع مشابهة
تابعي تجارب أخرى من هذا القسم.