امــنيه طالت وانا انتظرها حلم له فوق 18سنه وانا اتمنى اللحظه اللي فيها يتحقق الحلم ..

.. معقول ! مات الحلم وأصبح محالي ..
.. بــديت سيرة حزن غصب ابتديها

لكل منا امنيات وامال وطموح .. لكن هناك في حياتنا عثرات وصعوبات

راح اكتب لكم شىء بسيط .. امنيه طال عمري وانا انتظرها ولازلت وسأبقى انتظرها اما ان تتحقق او اكون تحت التراب .. من وانا صغيره كنت ولا زلت اتمنى اسكن في بيت ملك لي انا شخصيآ ويكون بالرياض ...
ابوي الله يطول بعمره مو مقصر معي بشىء لكن في بعض الايام تكون متعسره عنده الظروف وانا ماعندي دخل خاصه وانا على مشارف الثلاثين واخجل اطلب منه وهو ميسوره فما بالكم لو كانت ظروفه متعسره ... من فتره قريبه اخوي توظف بالرياض وصار يروح لدوامه قبل صلاة الفجر ويرجع لنا بعد صلاة العصر

لان منطقتنا بعيده شوي عن الرياض .. واخوي ما يقدر يستأجر شقه راتبه مو من كبره يدوب يكفيه لاخر الشهر حتى مايقدر يجمع لمستقبله .. والامر الاخر الوالد يخاف عليه من الانحراف وحركات الشباب

اخوي متضايق من طول المسافه وفوقها الحوادث اللي تصير على نفس الطريق خاصه وجود الماشيه في هالطريق ويروح وهو فيه نوم يعني خطر على حياته ...في يوم كنت رايحه معه لموعد واقسم بالله شفت باص مدرسات مسوي حادث والقطع طايح بالطريق يقول ان السايق منعس !..
حسيت قلبي انقبض من حالتهن رايحات يدون الفلوس وراحت اروحاهن في الطريق ... تمنيت ان معي فلوس واشتري بيت يكفينا انا واهلي موب اكثر من كذا ..
رحت لقسم الخاص بالمنازل اشوف اسعارها اذا كانت معقوله.. لو اقول دب اليأس فيني قليـــــل هالكلمه عن اللي بداخلي الا فقدت الامل ... بالاول كنت اتمناه حتى
ااجره واستفيد من فلوسه حتى ما اضطر اخذمن ابوي بالعكس اساعده ...الحين اتمناه حتى احمي اخوي من الطريق اللي اغلبه من كبار السن يروحون للبر ولماشيتهم

الامنيه الثانيه اتزوج واشيل نفسي عن ابوي .. ..

فا ابي منكم الا دعواتكم ان ربي يرزقني بالبيت اللي اقدر اسكن اهلي فيه ..والزوج الصالح اللي يقدرني ويحترمني يارب

دعواتكم

83 تعليق 4,706 مشاهدة

شاركي في النقاش

سجلي الدخول لإضافة تعليق.

التعليقات

80
  1. @aablh_mdht

    الله يفرج همك

    الله رزق اهلك بيت ورزق من حيث لايحتسب المرء ان الله على كل شي قدير

    ربي يرزقك الزوج الصالح اللي يحترمك ويصونك
  2. @noooooor_2009_2

    ياربي فرج همك ويرزقك من حيث لاتحتسبين ويبارك لك في مالك يارب ياارحم الراحمين استجب دعائي ياذا الجلال والكرام
  3. @ryanh_28

    الله يفرج همج ويحقق امانيج يااارب
    ويكفينا وياكم شر هالطرق اللي اخذت احباب الله يرحمهم ويغفر لهم
    امين
  4. @alkady_lydy_1

    الله يفرج همك

    الله رزق اهلك بيت ورزق من حيث لايحتسب المرء ان الله على كل شي قدير

    ربي يرزقك الزوج الصالح اللي يحترمك ويصونك

تابعي تجارب أخرى من هذا القسم.