السلام عليكم ورحمة الله وبركاته ,,
اخواتي يشهد الله على كل حرف وكلمه كتبتها هنا انا مبتليه بنزيف منذشهرين كل اسبوعين اروح المستشفى علشان اخذ دم ومرات حديد واحيانا يحدث معي النزيف وانا نائمه ولااشعر بنفسي الا في المستشفى وقد كتتبت عن مشكلتي في قسم الحمل والامومه لعلي اجد حل ؟؟؟
المهم ام زوجي ويعلم الله انها ماقصرت معي كل يوم ترسل لي الشغالة العصر تنظف البيت وتغسل وتسوي العشا والصبح اقوم القى فطوري جاهز .... اتوقع كلكم بتقولون احمدي ربك وش تبين بعد ؟؟؟ صح لكن تدرون كل هذا يروح هبا منثورا اذا سير علي احد قعدت تتميلح عنده حنا اللي نشتغله وننظف لها الله يعين ولدي متحمل وحده مريضه ما خلته يرتاح حتى بنص الليل تسريه للمستشفى ولدي صغير مدري وش مصبره على البلاء ... اه اه بس اه ما تروح لين تبكيني من الضغط :icon33::icon33: طيب انا شسوي موبيدي والله موبيدي .
اخر شئ زارتني اليوم وكالعاده بس المشكله هالمره كان زوجي قاعد عندي شغلت اسطوانتها والله حريم الوقت زي الزجاج او ماتطقها تتكسر مو مثل حريم قبل الحرمه تولد اليوم ومن بكرى تشتغل وتطبخ ذبيحه يالله لاتبلانا ليتها تقدر تسلق لك البيض الله يصبرك على ما ابتلاك ما يخالف يوليدي اجر ان شاء الله وربي بيعوضك احسن ؟؟
هنا انا خلاص وصل السيل الزبر طارت عيوني فيها وقلت لها ليش انا ميته والا لايكون انا اللي امرض نفسي ؟؟
عصبت علي وقعدت تعايرني هذا جزاي كل يوم ارسل لك الشغاله وتطبخ لك واخر شئ تغلطي علي زوجي عصب علي وهاوشني قدامها وقال لي لاتردي على امي وامي معها حق بكل شئ .....
للمعلوميه انا ابدا مو زعلانه من زوجي ومن رده ومقدره موقفه لاني حبيب وقلب طيب اكيد بيصف مع امه بس اللي مخوفني المثل اللي يقول كثر الدق يفك اللحام من كثر الزن يمكن يسمع كلامها .
ساعدوني يابنات تعب جسمي ونفسي ومعي انيما حادة من كثر النزف .
شاركي في النقاش
سجلي الدخول لإضافة تعليق.
التعليقات
125مواضيع مشابهة
تابعي تجارب أخرى من هذا القسم.