السلام عليكم جميعا
كيف الحال والأحوال يا أحلى صحبة بحياتي
اسبوع ما شفتكم فيه بس دعواتكم وامنياتكم حولي تشجعني وتطمني
بعد ارادة رب العالمين
لو باجلس اكتب واقول شعوري تجاه كل وحده فيكم بيوصل ملفنا 1000 صفحة
بس يشهد الله اني احبكم فيه
حبيت اطمنكم اني بخير مع ان اختي بتوله ما قصرت
الله يخليها لي ويبارك فيها وفيكم جميع
اللي مريت فيه أحداث ما ادري شلون اوصفها
ما كانت العمليه بذيك الصعوبة او الوضع المعقد
بس الخوف والرعب اللي كان مسيطر علي شي غريب
باختصار كنت حاسة اني بموت ولا بطلع من البنج >>ها لشي خلى نفسيتي عدم
مو بس طلبتكم الدعاء الا كتبت وصيتي بعد
يوميا كنت اصيح مو على نفسي الا خوف على عيالي ورحمة فيهم
كانت اختي بتول من خلف الكواليس تطمني وتشجعني وانتم تدعون لي
وصدقوني يا بنات والله ثم والله ان الدعاء معجزة من معجزات الشفاء
على هالخوف والرعب الللي كنت حاسه فيه توقعت ان قلبي بيوقف من قبل لا يخدروني اصلا
بس السكينة والطمأنينة اللي عطاني اياها سبحانه وتعالى
خلتني آمن بسر الدعاء وبسر سورة البقرة اللي ما تركت ختمها يوميا ولله الحمد
هذي سادس عملية تحت تخدير عام اسويها بحياتي
ولله الحمد كانت اخف واسهل عملية حتى اللحظات اللي ما احبها بالعملية
وهي انقطاع النفس لما يدخل المخدر لجسمك وتحسين ان حد خانقك لين تغيبين عن الوعي
ولحظة لما تصحين من البنج وثقل راسك والدنيا تدور
هاللحظات ما مرت فيني ابدا احساس بسيط ببرودة المخدر رحت بعدها في سابع نومه وصحيت
بدون دوخة ولا ثقل يارب لك الحمد
بس المزعج كان حبسة السرير يومين كاملة
حتى للحمام وانت بكرامه ما تروحين هم يجيبونه لك
ويارب لك الحمد كل هذا بفضل الله ثم دعواتكم
احبكم......احبكم........احبكم......احبكم......
ودي اكتب على عدد الايام اللي وحشتوني فيها
بس للحين لازم ما اجلس او امشي فترات طويلة
لي معاكم رجعة
حوامل الشهرين الرابع والخامس تفضلوا هنا ملتقانا الجديد ( الجزء الثاني )
متابعة النقاش، صفحة 71