مساء الخير ياحلوات كيفكم
بنات وش سالفه الخبيرات الي يدقون ويقولون مبروك فزتي معانا بتنضيف بشره وخصم 25% على منتجاتنا
بعدين تقولك حنا جايين عندك بالبيت نسوي لك التنضيف بس اعطينا وصف بيتكم واي وقت تحبين نجيك
بالله يابنات وش السالفه كيف يعرفون ارقامنا واسماءنا قبل كم سنه اتصلو على اخت زوجي وجو عندها بالبيت واليوم اتصلو على اختي بس هي رفضت يجونها وبرضو اتصلو على اختي الصغيره ورفضت
الي عندها فكره تنورني
شاركي في النقاش
سجلي الدخول لإضافة تعليق.
التعليقات
9- هاه وينكم
- حبيبتي هذا نوع من النصب والإستغلال تجي وتقولك مشاكل كثيرة في بشرتك وانك لازم تأخذي كريمات وخرابيط من عندهم علشان ياخذون فلوس والاتنظف لك أي كلام والا وش فزتي وش خرابيط المهم لاتدخلين بيتك الامن تثقين فيه
- يابنت الحلال هذولاء ماوراهم الا وجع الراس
ناس نصابه - واحدة من جاراتي كلمتها وحدة من المندوبات لشركة فرنسية او المانية ماني فاكرة وسوتلها تنظيف بشرة بكريمات معاها ونتيجة حلوة المهم سالتها عن اسعار الكريمات والمقشرات كلها اسعارها غالية والعلب موب مكتوب عليها شي مجهولة المصدر وبالاخير طلبت منها ترشح لها ارقام قريباتها او صديقاتها وتتصل عليهم
- حبيتي هذي شركات اما فرنسيه ولا المانيه ولا سويسريه المصدر
ويتم تمويل هالمنتجات عن طريق كبار التجار هنا بالبلد سواء اجانب ولا عرب
وهذي طريقة تسويقيه لمنتجاتهم تخص الشعر والبشره والجسم وكل شركه تتفنن في منتجاتها وفي هداياهم
ويختارون مندوبات اشكالهم تفتح النفس علشان يمشي التسويق صح وشوفي لسان المندوبه ينقط عسل علشان تلهف منك كم ريال وعلى قد ماتقدر تسحب منك وللمعلوميه العامه للكل يقولون بنرسل لك خبيرة تجميل
ولو تسئلينها فعلا اسئله علميه تلقينها تجاوب عليك مثل ماعلموها ولا هي المخلوقه لا هي خبيرة ولا درست هالشيء
لو تقول جايبه الشهاده الفلانيه ولا العلانيه ولا شهاده مصرح لها...التصريح صار سهل والكل ممكن يحصل عليه
وتصير لك معهم متابعه اذا عندهم ضمير وممكن يتابعونك بس لازم ترجعين تجددين مجموعتك او تشترين منهم
وتلقينهم يزعجونك ليل نهار لحد ماتقبلين الموعد لان الموظفات مطالبين باخذ مواعيد مع العميلات بأي شكل ويعملون لهم نسب وجوائز تحفيز للي مواعيدها اكثر او المندوبه اللي جابت تارقت او راس مال اكثر ....كلها شركات تقوم على هالاساس
ومن كثر ما ابلشوني من شركه للثانيه عرفت نوعية شغلهم ...وللاامانه العيب احيان مو في المنتج ولكن في تشخيص المندوبه من الاساس وتعطيك شيء ابد ابد مايناسبك تقوم تعدم وتخرب بشرتك ويالله ادعي عليها ولا روحي تعالجي __بصراحه لايلدغ المؤمن من جحره مرتين وخسرنا فوق الـ5 الاف على هالمواضيع
بالنسبه لرقمك او طريقة حصولهم عليه عن طريق دليل الهاتفاو صديقاتك او جاراتك او اهلك من بعيد او من قريب او ممكن اذا انتي تسجلين اسمك عند محلات مثل اتام او بدون اسم او برشيكا او محلات الذهب اذا شريتي من عندهم ...حصلت معي انا اتصلو علي وعرفو بنفسهم الشركه يوم سألتهم من وين جبتو رقمي قالو من محل داماس للذهب فعرفت وش يبون قلت لهم فعلا انا جالسه اعالج بشرتي بمستشفى وموحابه انهم يجوني في البيت - بعدها طلبو ارقام احد للترشيح ..
فلا تخافين واطلبي منهم اذا مو حابه ابد يلغون رقمك ولا يتصلون عليك ابد مع انهم حاطين لكل حجه جواب ...
مواضيع مشابهة
تابعي تجارب أخرى من هذا القسم.