ارجو من المشرفات ماينقلونه الا بعد اسبوع ابغى الكل يوحد لهم الدعاء وانا دايم برفع الموضوع
السلام عليكم بليز دعواتكم والله اعرفهم وغاليين على قلبي
ادعولهم بالرحمه والمغفره لانك بيوم بتحتاج احد يدعيلك....
لقي أربعة أشخاص مصرعهم وأصيب أربعة من أسرة واحدة إثر اصطدام سيارتهم بحافلة لنقل الطالبات على طريق الملك عبدالعزيز الباحة – بلجرشي قرب مدينة الباحة. وبينت التفاصيل إلى ان قائد الحافلة كان يسير بسرعة جنونية وتفاجأ بسيارة تقل أسرة فاصطدم بها ، مما أسفر عن وفاة 4 وإصابة 4 منهم، فيما نجا علي صالح الغامدي قائد الحفلة في الثلاثين من عمره، باشر الحادث فرقة من الدفاع المدني بمدينة الباحة بقيادة وكيل الرقيب خالد أحمد الغامدي ووكيل الرقيب عبدالعزيز جمعان الزهراني من غرفة العمليات، وبذل رجال الدفاع المدني جهودا كبيرة في استخراج الوفيات ونقل المصابين بواسطة إسعاف الدفاع والهلال الحمر إلى مستشفى الملك فهد بالباحة، كما باشرت أيضا فرقة من مرور الباحة ودوريات الأمن بالمنطقة. من جهة أخرى وقع حادث تصادم بين حافلة نقل طالبات جامعة الباحة وسيارة ، نتج عنه إصابة قائد السيارة فيما نجا ركاب الحافلة.
المتوفون: بدرية عبدالعزيز 24عاما -وصديقة طفولتي( عواطف عبدالعزيز 22 عاما )- روان عبدالعزيز 12 سنة - نواف عبدالعزيز 7 سنوات .
المصابون: (والدهم) عبدالعزيز عبده 58 عاما - وزوجته 45 عاما - نورة عبدالعزيز 17 عاما - بشائر عبدالعزيز 15 عاما. الباحة
الله يرحمهم ويرحم جميع موتا المسلمين ويغسلهم بالماء والثلج والبرد وينقهم من الذنوب والخطايا كما ينقى الثوب الابيض من الدنس
وعلى بالي انه حادث لناس مااعرفهم بس استوقفني انها كاتبه صديقة الطفوله عواطف
قام قلبي يرقع من الخوف وخفت اتصل عليها وتقولي ايه هي صديقتنا وطنشت الموضوع وانا خايفه اصلا
وبعدها بكم ساعه دقت عليه وحده من صديقاتي تاكد لي الخبر
انا لله وانا اليه راجعون واتوقع انهم اليوم متوفين
صديقاتي بدريه وعواطف كلهم مره وحده توفو ماني قادره استوعب وضايق صدري
ماادري ايش اللي صار لهم بالضبط بس اللي اذكره اننا ياما لعبنا وسهرنا واكلنا ونمنا مع بعض احنا من مدينه وحده ورحنا مع بعض درسنا في جده في جامعة عبد العزيز وسكنا مع بعض في سكن الجامعه كانت ايام حلوه وانا نقلت عنهم وتزوجت ورحت الرياض
الله يرحمهم
هم حاليا في الثلاجه
وسمعت ان امهم ميتة دماغيا ولسانها انقطع وبشائر عندها نزيف داخلي ونورة اتكسرت عضامها والحوض كمان وابوهم ماصار له شي
كانو رايحين الباحه يقدمو لنوره في التمريض
وهم اصلا من الجنوب
يارب تغفر لهم وتعفو عنهم وترحمهم يوووووووووووه ماني مصدقه العبره خانقتني:icon33:
تكفون وحدو لهم الدعاء طلبتكم يابنات حواء طلبتكم