تجمع المحسنات الظن بالله (خبرات متبادله حول مراكز العقم في مصر )
متابعة النقاش، صفحة 160
شاركي في النقاش
سجلي الدخول لإضافة تعليق.
التعليقات
2,084- بندقة يا حبيبتى ... قدر الله وما شاء فعل .... انا حاسة بيكى والله ... انا كل مرة بعمل العملية دى وبتفشل ... الحمد لله بقول ربنا لسة مأجل ميعاد وصول طفلى لحكمة عنده وبيروح الاكتئاب فى دقايق والحمد لله ... ربنا يكرمك يارب وماتحتاجيش لعمليات ويطمنك على جوزك
- يااااااااه يا بنات ماوصفلكوش أنا كنت عامله إيه النهارده
كنت على أعصابي وجوزي كان حاجز أسنان وأنا نسا
مردتش من التوتر ادخله كشفه إلا لما أدخل أنا
المهم دخلت بسرعه الحمد لله
وبعدين كشفت عن بطني عشان السونار
والدكتوره تجيب الجهاز يمين شمال مش شايفه حاجه
براغم من إني كنت ماليه المثانه عشان تشوف
المهم قالتلي نشوف مهبلي
قولت يارب استر سيناريو كل مرة......
المهم قالتلي طيب روحي الحمام عشان هاضغط عليكي ماتحسيش بألم
قلتلها لأ أنا هاستحمل مافيش مشاكل
وعمملت من تحت
المهم برده يمين شمال بتقولي
أنا شايف جنين ونبض بس مش عارفه أشوف كويس
مش واضح
قالتلي روحي فضي البول عشان المثانه بعده الرحم
رحت وقلتلها مدخليش حد فدخلتني حمام الدكاترة عشان اخلص بسرعه
المهم رجعتلها
قالتلي أيوه كده الكيس ظهر كويس والجنين
وسمعتني أحلى صوت سمعته ف حياتي
الحمل ظاهر في السونار إني فيي الأسبوع 6 بالظبط
وأنا المفروض السادس و4 أيام قالتلي عادي معقول
مافيش مشاكل قالتلي خليكي على الأدويه ذي ماأنتي
واشوفك بعد أسبوعين
الحمد لله والشكر لله
لا حول ولا قوة إلا بالله العلي العظيم
لا أدويه ولا حقن ولا دكاترة ولا أي شيئ
أشهد ألا حول ولا قوة إلا بالله العلي العظيم
والله دعيتلكم كلكم وأنا هناك ربنا يتقبل مني يارب
ويكملي شهور حملي على خير ومايسؤنيش أبداً في جنيني آمين آمين آمين - ماما .. استعيذى بالله من الشيطان الرجيم وفكيها بقى ... الدنيا اللى احنا فيها دى ماتستاهليش القلق والتفكير ... اعملى اللى عليكى وبعدين نفضى دماغك علشان ماتتعبيش
زينب ابراهيم يااااااااه يا بنات ماوصفلكوش أنا كنت عامله إيه النهارده كنت على أعصابي وجوزي كان حاجز أسنان وأنا نسا مردتش من التوتر ادخله كشفه إلا لما أدخل أنا المهم دخلت بسرعه الحمد لله وبعدين كشفت عن بطني عشان السونار والدكتوره تجيب الجهاز يمين شمال مش…
ربنا يكملك على خير يا زوزو يا حبيبتى ويجعلك طفل :04: صالح نافع للاسلام يارب ويفرحك ويبعد عنك كل شر
انا حاسة بيكى ... ده انتى شوفتى كتير- لا حول ولا قوة إلا بالله
بندقه حبيبتي
قدر الله وما شاء فعل
معلش إنت ليكي رزق عند ربنا بس مش هو ده معاده
تيقني بالله وقدرته ومتيئسيش من رحمته
اللهم يا مالك الملك ياسائق القوت ياسامع الصوت يا كاسي العظام لحماً بعد الموت
أسألك يارب بنور وجهك الذي أضاءت له الظلمات
أن ترزق إخواتي بندقة وماما وأوكسي
وشيمو ونيفو وتوتا ومصريه ونانوسه ونادو وزبيده ووداع وفاطمه وتوفي وكل البنات في هذا الملف وجميع نساء المسلمين بالذرية الطيبة الصالحة التي ترضى عنها وتقر بها أعينهم وتسعد بها قلوبهم
آآآآآآآآآآآآمين يارب العالمين
مواضيع مشابهة
تابعي تجارب أخرى من هذا القسم.