متزعلش نفسك يا دوعة
هو الناس اللى بتخبي خبر حملها على المتاخرات فالحمل بينقسم قسمن
الاول ناس بتخاف من الحسد وبتكون متخيلة ان اللى مخلفتش دى ممكن تحسدها
ميعرفوش ان الله خير حافظا وهو ارحم الراحمين
والعينه دى احنا مش عايزين نعرفها لان بتكون نفوسهم ضعيفة
والقسم التانى دول بقي ممكن يكونو ناس بيحبونا اوووى وخايفين على مشاعرنا عشان كده بيحاولو يدارو او يخبو عننا لمجرد انهم متخيلين اننا ممكن نزعل او نضايق فى قرارة نفسا
وطبعا منخبيش على بعض بما انى اتأخرت فالحمل 6 سنين اقدر اقولك اننا فعلا اما بنسمع خبر حمل واحدة قريبتنا بنفرح لها بس من جوانا بيكون في حزن جوانا على نفسنا وعلى عمرنا اللى عمال يجري واحنا واقفين محلك سر
فعشان كدة الناس دول بيكونو حاسين بينا اووى فبيخبو علينا مؤقتا خوفا على مشاعرنا
وانا عن نفسي اتعرضت للنوع التانى من الناس وكانو اقرب الناس ليا هما اللى خبو عنى خبر الحمل
بس طبعا كان مبررهم اللى انا واثقة ومتأكدة منه مليون فالمية هو خوفهم على مشاعري
بس اما واجهتم وعرفت وجهة نظرهم وبرده فهمتهم انى عمري ما بزعل او اضايق اما اسمع خبر حمل واحدة خلاص الموضوع انتهى
فانتى حاولى تعرفى الست دى من انهو نوع عشان تقدري تحددى طريقة معاملتك ليها
تجمع المحسنات الظن بالله (خبرات متبادله حول مراكز العقم في مصر )
متابعة النقاش، صفحة 164