فيني هم كبير (للمتزوجات والامهات) اتمنى مايدخلون البنات الصغار الله يحفظهم


لاتجيني واحدة تقول فيلم هندي وشمعنى وليش

قل خيرا او اصمت

السلام عليكم خلوين اكتب لكم قد ايش متضايقة مرة مرة اليوم روشت بنتي عمرها 6سنين وهي عندها قلة تركيز وفرط حركة وتعتبر كل شيء عندها مزح ولعب
كنت اروشها واضحك معها واقول لها انتي بنت وانتبهي دايم لاتخلين احد يمسك المنطقة
قامت قال ت لي:ماما احمد يمسكني هنا
طالعت فيها مع اني انطعن قلبي بس لحقت وقلت لها : لا عيب لاتخلين احد يمسكك هنا مرة ثانية واللي يمسكك علميني وانا اضربه
وطلعتها ولبستها ملابسها وانا اطالع فيها واقول مرة ثانية: انتبهي دايم على نفسك واي احد يمسكك علميني

قامت من عندي وانا افكر

ولدي لاحظت عليه كم مرة انه ينام على المخدة ويعمل معها :mad:

يعني هو يطبق شيء صار معه

لاني ولاعمري مرة قد شافني مع ابوه بوضع

يعني حريصين ومانسوي الا لما يكون في سابع نومة او برا البيت يلعب بالحوش

لما شفته يعمل هالحركة قلت له: مين علمك الحركة هذي
قال احمد

:icon33:

(احمد طفل في سادس ابتدائي ومن العائلة وطول عمره كان الولد المثالي والمؤدب يعني مستحيل اصدق انه عمل كذا

جيبوا لي اي احد الا احمد لاتتهمونه

طبعا بالاول ماصدقت ولدي وقلت يمكن يبالغ ويمكنه قد شافني مع ابوه مع اننا مثلما قلت حريصين جدا

كلامي ملخبط الحين مو قادرة اركز بغيت ابكي

يعني انا اروح للحرمة ساعتين فقط وهم يلعبون عندنا بالصالة ولايمدي يروحون اي غرفة لان بيتها صغير

بس فيه سيب جنب باب الشقة يلعبون هناك فيه

يلا بخمس ثواني

ولدي الحين صار كلما جلس فترة لقيته يطبق الحركة مع مخدة هو فوق والمخدة تحت

اعوذ بالله ماابي افصل بس وربي وربي دمعتي بعيني

يارب استرنا بسترك

اكيد بتقولون لاتروحين للحرمة خلاص

اوكي مابروح لها الا نادرا وماباخذهم معي

بس الحين ولدي جنني بهالحركة صار يطبقها كم مرة

لدرجة انه امي دخلت غرفة اختي ولقته مع بنوتة اختي هو عمره 4 سنوت وهي عمرها 3سنوات

لقتهم يطبقون الحركة نفسها بالضبط كل شيء زي ماهو

يعني يعرفون

ياناس عمر 3 و 4 سنين


والله بكيت وقتها

واختي ضربت بنتها وانا مسكت هذا بغيت اذبحه
واخوي جالس يضحك عليهم يقول ياحليلهم ماتوقعتها منهم

وامي جلست تصيح فيني وتقول قد شافك مع ابوه وتستاهلون لانكم مااخذتم احتياطات يعني تحملي مايجيك

بس انا حريصة ووالله ماقد دخل علينا

يعني كلها من احمد هذا !!

الحرمة مقدر اكلمها لانها كبيرة شوي عمرها في الاربعين ومع هذا دوبها اكتشتفت حملها ماشاء الله

طلعت حامل وجلست تبكي ونفسيتها تعبانة لانها مابتقدر تربيه لحالها وقد زوجت بناتها

مرة مقدر اكلمها

ولااقدر اقطعها بس بروح لها بعدين والعيال اخليهم مع ابوهم

الولد لو حصل فرصة وشفته بمسكه بأذنه واهدده اني لاعلم امه واخواته واعلم ابوه

ودي ابوه يدري عشان يضربه بس مقدر

تخيلوا احد يقول لكم : ولدكم تحرش بعيالي
اكيد بتبكوون وتتمنون انه مابلغكم

حسبي الله وكفى سمع الله لمن دعى

اليوم الصبح قمت الساعة 8 ولقيت ولدي يعملها مع المخدة (للعلم انا صدته من يوم حصل موضوعه مع احمد الى اليوم وقد عملها يمكن 3 مرات)
يعني اليوم كان الحركة الثالثة
شفته يعملها وقمت عصبت والله ضربته صفقته قرصته وانا اصيح واقول له : ياويلك لو شفتك تعلمها ثاني مرة

اكتب وفيني ندم شديد على ضربه ويعلم الله اني احبه ودمعتي بعيني

ولدي خلاص ماراح يترك هالحركة لانها ثابتة في راسه
الا لو جاله فقدان ذاكرة:44:

ابوه شافه مرة وانا قلت له: انه شافنا واحنا بوضع

وجلس ابوه منحرج ويقول انه بينساها

ماعلمته عن الصدق لانه كل الرجال دمهم واحد واسلوبهم واحد واخلاقهم واحدة

يعني بينكر ويزعل ويحطها براسي وبيجلس يذكرني بها فترة طويلة


الحين قولوا لي كيف اتعامل مع ولدي

الله يسعدكم ويحفظ اولادكم انتظركم


وياحريم انتبهوا انتبهوا حتى من ولد اختك ولد اخوك

حتى اخوك عمك خالك

الزمن ماعاد به امان

صاروا الناس شياطين


ولدي هل يحتاج لاخصائي؟ انا بوديه بالطايف مع امي بس شقول للأخصائي واخاف يقول لازم نعلم ابوه او نقدم شكوى او

والله واقسم بالله ربي اكتب ودمعتي بعيني

يارب يارب اجعلها اخر المصايب واحفظني واولادي

يارب احفظني وجميع المسلمين

اخواتي نصيحة اكتبها بدمعة:
انتبهوا لاولادكم وبناتكم من الجميع حتى اللي عمره 4 سنين

صح انه طفل بس يطبق


احمد هذا ماتعلم الحركة الا من اصحابه في المدرسة

لان امه وابوه قد رحت بيتهم وشفت غرفتهم لها مدخل خاص ومايدخلون الاولاد غرفتهم دايم لان ابوهم شوي شديد يعني يطقون الباب قبل الدخول

الله يهدي احمد ماني حاقدة عليه لانه طفل بعمر 12 سنة

بس حاقدة على الحمير اللي معه بالمدرسة

شكلهم لعبوا حتى بالولد


انتبهوا الله يسعدكم لعيالكم قبل تندموووون

والحمد لله اني لحقت عليهم قبل يصير شيء

ومع هذا في قلبي هم وألم كبير

يعني دوبني نسيت سالفة صاحب زوجي وقد كتبت عنها موضوع هنا

واجي لموضوع عيالي

ليتها فيني ولا فيهم :icon33:

الحمد لله على كل حال

الحمد لله والشكر

الحمد لله ولانقول الا مايرضي الله

ولكني اسأل الله ان يلطف بنا

اختكم واختكم منكم وفيكم
بطة خضراء تبكي

41 تعليق 51,980 مشاهدة

شاركي في النقاش

سجلي الدخول لإضافة تعليق.

التعليقات

40
  1. @gory_alamarat_2

    الله يهديهم يارب
    والله هالزمن صاير يخوف خص عالصغار
    قمنا نسمع سوالف يقشعر لها البدن
    ولازم الكل يحرص على مراقبه عياله طول الوقت
    اختي حاولي تقعدين معه وتفهمينه هب بالضرب جي هو بيحاول يسوي هالشي من وراج
    وبعديهم كل البعد عن ها اللي اسمه احمد الله يستر عليهم يارب ويحفظهم من هالشر
  2. @am_trky_2030

    الله يفرج همك

    بس مايحتاج يروح لاخصائي

    هي مدة وبينسى

    اغلب الاطفال اللي اعرفهم يسوون نفس الحركه ولمى يكبر ينسى

    بس انتي لاتدققين

    لانك اذا ضربتيه ونبهتيه لهالحركه راح تعلق في راسه ويعاندك ويسويها

    لان الطفل كل سنه يطلع بحركه جديده ولو ضربتيه راح ترسخ في ذهنه

    حاولي تطنشينه

    ولا يحتك في ناس اكبر منه

    يعني طفل عمره 4 سنين كيف يلعب مع واحد عمره 12

    فرق كبير يااختي بالعمر

    واللي بسادس حركاته مو بريئه لان الزمن تغير

    الله يحفظ لك عيالك
  3. وش فيك يا أختي قلبتي الموضوع هم وأخصائي نفسي وما أدري ويش؟ الموضوع كبير ما أختلفنا بس موب من ناحية أن ولدك يسوي هالحركة لأنه بينساها إذا ما قعدتي إنتي تكفخينه وتقرصينه لأنه لو ما بيسويها فهو عشان خايف منك بس كذا بتلصقينها براسه والولد عمره اربع سنوات مستحيل تقعد براسه إذا شفتيه يسويها خذي المخده وسوي نفسك تصارعينها وإنك بتفوزين وترفعين يدك علامة الإنتصار وخليه يشوف مصارعة حره وإلا رسوم متحركة فيها مصارعة معاك وقولي يالله نلعب بالمخده. الكبير بالسالفة هو لو إن هالولد اللي اسمه أحمد صدق متحرش بعيالك شنو تخافين على مشاعر الأم إنك ما تقولين لها أصلا لازم تقولين لها ولا عاد تاخذين عيالك معاك هناك. جارتك هذي من حقها عليك إنك تنبهينها لشئ في ولدها ممكن يتفاقم ويمكن هو قاعد يتعرض لهالنوع من التحرش وقاعد يفرغه في الغير غير كذا الولد هذا لازم يتعلم إن اللي يسويه حرام وما يجوز وغلط. إنتي لا تجلسين تضربين عيالك على شئ مالهم ذنب فيه يعني فوق ما إنغلط في حقهم بعد بتطقينهم يا سلام والله. دوري يا أختي الكريمة في الإنترنت على حلول لمثل هذي المشكلة وكل شئ بالتوازن والعقل يمشي صح أما الصراخ و التهويل بيوديكم لطريق خطأ إنتم في غنى عنه وأكثري من تحصين عيالك وبيتك ونفسك وأذكار الصباح والمساء ولازم تعلمين عيالك إن هذي المناطق حقتهم وبس وما يخلون أحد يشوفها أو يمسكها والله يعينك ويفرج كربتك وأنا أختك بس تطمني كل شئ له حل بالروية.
  4. @amyrh_alahlam_3

    الله يستر
    انتبهي لولدك ولوعاد تخليه مع احمد
    امامن جهة انوه ينساها فبينسها لا تخافين بعده صغير
    احنا نربي والمدارس تخرب تري البلى في المدارس انتبهو منها
  5. @bt_khdraaa

    صاحبة الموضوع
    آه ياجوري لو تشوفيني مدري كيف اسوي بولدي

    بنتي لحقت عليها وهي عندها قلة التركيز يعني ماتعرف هالحركة عيب او لا

    بس تضحك

    لكن ولدي اللي مو راضي ينساها

    افكر الاسبوع الجاي اخذه لأخصائي بس وش اقول للأخصائي

    احس صعبة احكي من جديد

تابعي تجارب أخرى من هذا القسم.