الموضوع مغلق
ليه ذابحنااااا البياض لهذي الدرجه.[استوفى حقه من النقاش]
قد يحتوي هذا الموضوع على محتوى غير مناسب. عرض الموضوع
الموضوع مبين من عنوانه ..
تصدقون بالله ان لي قرابه 7 سنوات وانا متابعه بهالمنتدي الصراحه ارتحت له ولي زمان علي قسم البشره
من فتحت عيني وانا اشوف بعض المواضيع وبالخط العريض.. اللي تبي تصير بيضا في شهر تدخل واللي تبي تصير لمبا بأسبوع تدخل ولا كل مااااااله تقل الأيام لين يصير بيوم ..ولا تستغربون في هالزمن كل شي يصير
ولا المصيبه يدخلون الموضوع بالمئات ولا.....تطق بالآلاف
انا ما أنكر ان الكل يحب يشوف نفسه أولا ً و الناس ثانياً بأحلي صوره .. ولا توصل لصرعاااااااات في هالزمن
يعني باالعقل انتي لو استخدمتي خلطه طبيعيه من مكونات طبيعيه تحسين بالفرق من اول أسبوع بس اتركيها يومين ترجع حليمه لعادتها القديمه صح ....ولا المكونات طبيعيه يعني ما فيها ضرر
فما بالك هالخلطات الكيميائيه وهاليلاوي الي حتي الدكاتره الي دارسين وفاهمين عمق البشره يحذرون منها وحنا خلط ودعك فيها ما تم مكان بالجسم ما سلم منها..
عشان ينقلب لون الجسم ميه وثمانين درجه من السمااااار إلى البياض في وقت زمني قياااااسي مخيف
واتحدا وحده تستخدم هالخلطات الكيميائيه تقول انها وقفت من استخدامهااااا للأبد وما رجع لونها الطبيعي وأكبر دليل
علي كلامي أنها ما تقطع الخلطه وتستمر فيها بين فتره وأخري ليه لأنها مؤقته يعني بياض كم شهر وبعدهاااااااا باي باي
هذا غير السلبيات الي تطلع علي البشره والبلاوي والسبب هالخلطات .....
ليه هالصوره الزايده الايجابيه عن البياض والسلبيه المفزعه عن السماااااار
...ليه كل هالمجازفاااااااات والمخااااطره لتحصلي علي البياض .. ومردك في النهايه لأخصائي جلديه...
البيضا من الله بيضا ومع العناية تصفا وتزيد بياض والسمرا سمرا مع العنايه تصفا وتفتح بسبب صفاء لون الجسم ..
وسبحان الله الوراثة وطبيعة الجسم لها دور كبير بالموضوع
ليه دائماً حاطين ببالنا البياض وأن البيضا يا حظها وتهبل وهالصوره مرسوخا ببالنا إلا محفره حفاااااااااااار
تدرون ليه ؟؟؟؟؟
أنا أقول لكم ليه بسبب صفاء وتوحد لون البشره يعني بالعربي جسمهااااااااااااااا قطعه وحده خالي من العيوب لا ركب ولا أكواع ولا غيرهاااااااااااااااااااا عشان كذا تنفتح نفوسنا ونركض وراء مسمي البياض ..
والعجيب أن لون بشرتنا نحن الخليجيات جذابه إلا تقتل بشكل رهيب بس عيب أغلبنا يعاني من أختلاف لون البشره بمناطق معينه وعدم توحدهااااااا بسبب الرطوبه والحر وجفاف البشره وغيرها ولاااااااا كل العوامل المؤثره بكوم وعدم العنايه بالجسم كوم ثاني....تلومون ثقتكم إذا نهزت وتكسرت
ولا الكارثه تجيك وحده عندها مناسبه قبل شهر وتقول بالخط العريض الحقوني جسمي مبقع والركب فحم ولا إذا علي وجه زوااااج المنطقه الحساااااسه حدث ولا حرج وتبي حل سريع لتوحيد اللون الجسم....
بالعقل ما أعتنيتي في سنينك من قبل وتبين بهاالشهر يتوحد اللون ..؟
ليه أول الكسل والأهمال والحين تبين الفزعه ..
والله اني انقهر بأن كل شي متوفر لنا للعناااايه بأجسامنا وتوحيد اللون وبعض البنات ولا همها ...والله النت والمنتديات ما قصرت..
حتي الدول المجاوره عرفنا خلطاتهم واسرارهم عن جماااااال بشرتهم مع انهم ما يحتاجونهااااا بس العنايه كما ذكرت لها دور في أبراز جمال لون البشره..
..سوائاً الحمام المغربي أ والدلكه السوريه أوالسودانيه وحتا الهنود عرفنا سر جمالهم (الكركم) والكركم عني عن التعريف ما تشوفونهم ملكات جماااااااال مع انهم مو بيض بس صفاااااااااااااء توحد الوانهم تقتل ..
ملخص موضوعي وبختصااااااار العنااااااااااااااايه ثم العناااااااااااايه بجسمك قبل الأستحمام وبعده وركزي بكثره علي ترطيب جسمك دائماً
أعملي برنامج خاص فيك وعلي مقدورك والبنات بقسم البشره ما قصرو بالخلطات وببرامج العنايه اليوميه بالجسم واستخدمي كريمااات أمنه وخاليه من مااااادة الكرتزون واستمري عليهااا بصبر لين يتوحد عندكي لون المنطقه المرغوب بتفتيحهاااااا
ومع الاستمرار خلال شهرين أو ثلاثة شهور شوفي جسمك كيف راح يتغير 180 درجه ويتوحد اللون وبعدهاااا قولي الثقه ما رجعت لي
وفي نهاية موضوعي اتمنا من كل قلبي بأن نعود بناتنا واخواتنا علي العناية الدائمه بالجسم وما نهمل هذا الجانب بجميع نواحيه لأنه اساس الجمااال الحقيقي للبشره..
واتمني للجميع الصحه والعافيه...ولا تنسونا من الدعوات