التجمع 21 لمواليد$اكتوبر-نوفمبر-ديسمبر$تجمع التباشير والاخبار السارة ان شاء الله

والله فرحنا بولادتك يااسوزان يارئيسة الكروشات

والله عن جد تستفيدي.. وقدهي للنفاس.. بعدين لما تخرجي من الأربعين خدي لك كم بجامة حركة من لاسنزا او لافي ان روز..


على فكرة انا بكرية كمان وماعرف اذا خلصتي اغراض النونو كلها واغراضك ام لا.. انا من شهرين..جهزت قائمة فيها
اغراض النونو.
اغراضي للنفاس.
اغراضي لما بعد النفاس.
محتويات شنطة المستشفى.
قائمة بالمهام التي يجب الإنتهاء منها قبل الولادة بإذن الله...

عشان يكون كل شي عندي واضح وماانسى شي بإذن الله..
بالنسبة لأسئلتك ياعسل...

لحاف النونو = 30 ريال (في سنتر بوينت لقيتها 95 تقريباً) وطبعا اشتريته من الهرم..
البطانية = 15 ريال ( في سنتر بوينت لقيتها 115 تقريباً) انا اشتريتها صراحة من الهرم..
عرفت ايش قصدك بسوسته (مدس النونو) ايه في الهرم اعتقد مايعدي الـ 30 ريال (في سنتر بوينت لقيته بـ 90 تقريباً، في مجمع الشرق تقريباً بـ 65 ريال، في ماماز اند باباز اعتقد اذا مو غلطانة بـ ثلاثمائة ريال وشوي) وكلهم قطن ناعم...انا اشتريته من الهرم صراحة لأني استخدامي ليه حيكون معدود.. واذا بخرج.. بحط النونو عند ماما..

بالنسبة ليا: اشتريت سودو كريم للنونو للحفايظ مره ممتاز، اشتريت مجموعة جونسون، بالنسبة للسرة مسحات كحولية + بودرة السرة من الصيدلية (سمعت انها كويسة من البنات هنا في المنتدى وانا راح اجربها بإذن الله)

بالنسبة لبجامات النفاس:
انا اخذت جلابيتين استقبال الي هيا ( ارواب رضاعة) مطرزة.
اخذت كمان من اول روبين ممكن كمان استقبال بس انعم شوي.
اخذت بجامات للبيت.. يعني في الليل لما انام او الصبح لما اصحى قبل ماييجو الناس.. عشان اكون جالسه مرتاحة..
هي بجامات عادية بس حطي في بالك لازم توب البجامة يكون بأزارير وفيه فتحه’’ عشان تقدري تفتحيها وترضعي..