عروسه اخوى

موضوع ما يخصك
يعنى انتى اللى مثاليه وعمرك ما طلعت منك ريحه !!
غريبه والله والاغرب ردود البنات اللي يقولون كلميها ليه يعنى ؟ هى مرتين بس اللى شفتيها فيها والله العالم عن ظروفها لو ان السالفه على طول كذا كان اتفقت مع البنات لكن مرتين بس وعلى طول بتدخلين تعلمينها النظافه !!!

خلى البنت فى حالها و لا تفتحين على نفسك باب دامها محترمه معاكم وزوجها يحبها ومرتاح معها

يمكن ماتعرف طريقة الغسل الصحيحه خصوصا بعد الجماع عطيها كتيب او نصايح مافيها شي قولي لها انتي صغيره وحبيت انصحك لان في معلومات ماتعرفيها اكيد

حبيبتي اذا كانت الريحة ذي ما في بالي
فاعتقد انها ممكن يكون من كريم اساس او شئ ذي قده
مرة رحت زواج وجات وحدة تسلم على ونفس الريحة حسيتها منها وانها ما نظفت نفسها وبعدين ما اشوف الا مجموعة كبيرة نفس الريحة وطلعو رايحين عند كوفيرة معينة والريحة من المكياج او كريم الاساس وامكن عشان كده ما يشمها زوجها لانها بتحط الكريم مع الضيوف

شوفي يا حبيبتي

انا ما اعتقد فكرة انك تجيبيلها مستحضرات وحاجات أو انك تتكلمي عن النظافة الشخصية حتحل المشكلة طالما انها مو عارفة انه عندها مشكلة من أصله أو ممكن ما تاخد الموضوع جدي أو ما تهتم انه تستخدم المستحضرات بشكل دائم ...

انا اعرف وحدة عندها نفس المشكلة واتعرضت مرة لموقف كانت تباشر قهوة لضيوف ووحدة من الضيوف قعدت تقول (اف اف اف) فالبنت جاتنا وتقول (ايشبها هادي مريضة) ... ومع الأسف كلنا كنا فاهمين الهرجة وخفنا نقول عشان لا نحرجها ...

فاللي ابغى اقوله انه اللي عنده مشكلة الريحة عادة ما يعرف لأنه ما بيشم نفسه أو اتعود على الريحة


بس في اقتراح جربي تعمليه .... واحد من أصحاب زوجي كان عنده نفس الحكاية وكل مين ما يبغى يقوله ... فأتفقوا انهم يحطوله هدية عطر في السيارة ومعاها رسالة وكتبوا فيها (انك اخويا وتعز عليا وحبيت انبهك انه في ريحة منك بالرغم من نظافتك الواضحة ... الخ) وطبعا ما قالوا من مين الرسالة ومن بعدها الرجال ماشاء الله ماصار له ريحة ....


فإنتي جربي الحركة دي ولو حتى بالإيميل لو عندها ..... بس رجاء اتأكدي أول انه الموضوع دا مكرر منها ...

بالعكس ياريت الناس تنبهني لحاجة فيا ....

أسهل عندي انحرج من شخص ولا انحرج من كل الناس ويتكلموا في ظهري على ريحتي ....