اخيرا وافق ابوي استقدم خياطة تكفون همتكم ..

غداف الفكره حلوه مره ليش تقولين مااحد شجعني

مشكورة منى يعطيك ربي الف عافية ويبارك لك بصحتك ورزقك يا حق

اهلين فيك اختي رهوفه


بالنسبه للخياطه كان راتبها 1400 ريال

وانا بكل صراحه كنت استفيد منها بفكره ورح اقولك اياها حتى تمشي عليها لانها وبكل مصداقيه

مربحه جدا وهي عباره انها تخيط لك ملابس موحده للخدم يعني اشتري بالطاقات وخليها تفصل احجام واعرض بالنت او على جيرانك او اي اقربائك وحطي سعر حلو كبدايه بعدين زيدي كلفه فيه او اي شي وحطيها حجه علشان ترفعين السعر <<-- احم تراي بديت باستهبالاتي

او خليها تصلح لك كيس مخده او مفارش طاولات وحطي عليها لمساتك وبيعيها واربحي


وبالنسبه للماكينه اللي عندي هي من ماركة جوكر وسعرها الاصلي 4000 ريال وهي جديده وللامانه اسعار الماكينات غاليه شوي توصل 18 الف الله يعينك بس اذا تبين ماكينتي ببيعها لك بـ 3000 ريال بس والله يوفقك


واي سؤال تبينه عن الخياطه ابشري

اهلين منى

مو انا اللي محد شجعني هذي رهوفه ربما خالط بالاسماء


انا بس سفرت الخياطه لظروف حاصله بس

كان عندنا جارة عندها خياطات وملت هى وزوجها من الناس ودخلاتهم
فى بيتها كل وقت
قامت خلتهم يخيطون جلابيات بس وتجيب من المحلات الي بالجملة
وانا انصحك تخلي شراء الاشياء من سوق الجملة الي فى السويلم اذا انت من الرياض
وحتى لو مومن الرياض فية فى كل مدينة سوق جملة للخياطين اسالى اي خياط
وهو يدلك لان الفرق كبير
وانصحك تخلي الشراء الى ان تجي هى وتروح معك تختار الي تبي بنفسها والي هى متعودة علية
افرضى جت وطلعت ماتعرف تخيط او فيها اى بلوة وش تسوين بالاغراض