يوم سيىء!!!!!!!!!!!!!!!!!!!!!
اليوم الظهر راح زوجي يجيب بنتي من المدرسة كانتى الساعة 12 وهي الله يهديها ماطلعت بسرعة جالسة تلعب مع البنات الين اذن الظهر وقفلوا البوابة للصلاة طبعا هو قلق عليها واتصل فيه وخبرني انها ماطلعت قمت دقيت على المدرسة وردت المديرة وقالت انه وقت صلاة وباقي شوي ويفتحون وادق على زوجي واخبره وشوي الا يقولي خلاص طلعت وقالي دقي الان على المدرسة واعطيهم رقم جوالك علشان اذا الله لايقدر صار شي نطمن انهم بيقدرون يدقون علينا طبعا انا قلتله ماراح ادق واعطيهم لانهم بيعطونهم استمارات يعبونها في البيت واكتب فيها رقم جوالي قالي وهو يصارخ دقي عليهم الان واعطيهم قلت ما راح ادق قال ايش والله لو اجي الحين والاقيك ما دقيتي لازعل منك ليوم القيامة وكان مرة معصب وقفل انا كمان عصبت مرة ليه يتكلم معاي بهذي الطريقة ورحت اكمل الغدا وانا استغفر وماني حابه السالفه تكبروقمت دقيت على المديرة وقلت لها تاخذ رقمي ورفضت وقالت احنا راح نرسل مع الطالبات استمارات وانتوا عبوها واكتبوا ارقامكم ولما جا كان انواع الغضب في وجهه ويسالني اعطيتيها الرقم وخبرته انها رفضت وجلس يصارخ ويخاصم :angry2::angry2: وانا ساكته ما ابغى اغلط واندم بنتي راحت على سريرها وهي زعلانه لانه عصب عليها بالسيارة واحضر الغداء واحس بغصه لاني ساكتة وماتكلمت ويجي ياكل حاولت اكل بس ما قدرت احس العبرة خانقتني واقوله ليه قلت لي كذا وكذا طبعا السب اللي قاله لي وانا ساكته قام عصب علي تركت الغدا وعييت ما اتغدا قام هو ترك الاكل وغسل يدة ونام يقول سديتي نفسي علشان ماجلست اكل حاولت فيه يرجع يتغدا حلف ماعاد يطبه واجي الاقي بنتي جالسه بالصاله تسمع هواشنا وهي ساكته وولدي اللي عمرة سنتين حايس الطاولة ورامي الرز كله على الارض واجلس ابكي والم وانضف :icon33::icon33: واكل بنتي وولدي ومالي نفس في الغدا بالله ايش رايكم انا الغلطانه ولاهو المشكله ان كل واحد شايف انه على حق راح اتقبل اي نقد الله يخليكم دلوني