شاركي في النقاش

سجلي الدخول لإضافة تعليق.

التعليقات

150
  1. @egypt_jasica

    صاحبة الموضوع
    السلام عليكم ورحمة الله وبركاته
    أهلا بيكى ياهبهبوب وأهلا بماما وميرسى ياهبه ربنا يخليكى

    خلود يالا بقى أنا مستنيه التطبيق وقوليلى
  2. @egypt_jasica

    صاحبة الموضوع
    أنا رابع مره انزل شرح الجاكت ومينزلش مش عارف المنتدى صعب سامحونى ححاول مره تانيه
  3. @egypt_jasica

    صاحبة الموضوع
    بناء على رغباتكم سوف اضع طريقة عمل جاكت لطفل مولود

    جاكيت لطفل مولود

    المطلوب: عدد 2 شله 50 جم أو شله واحدة 100جم
    أبر مقاس 3 لعمل الكود ومقاس 4 لشغل البلوفر

    الطريقة
    1- يتم عمل 96 غرزه على الأبر مقاس 3 ونشتغل غرزه عدل وغرزه مقلوب لعمل الكود وذلك لمدة 10 أسطر
    فى السطر الرابع يتم عمل أول عروه فى الجاكيت وسوف يكون هذا الاتجاه اليمين وهو اتجاه وجه الشغل

    (طريقة عمل العروه): يتم الشغل من أول السطر غرزه عدل وغرزه مقلوب ثم نقفل غرزتين ثم نشتغل باقى السطر عادى واحدة عدل وواحدة مقلوب لتكملة الكود
    فى السطر التالى وهو ظهر الشغل يتم اشتغال الغرز عادى واحده عدل وواحده مقلوب حتى نصل إلى نهاية السطر عند الغرزة المقفوله يتم عمل لفتين بديل للغرزتين ونراعى عدم ارتخاء الخيط حتى لا تصير العروة واسعه ثم شغل الغرزتين المتبقيتين واحدة عل وواحدة مقلوب
    هكذا نكون انتهينا من عمل العروة وفى السطر التانى نشتغل عادى جدا اللفات كأنهم غرزه
    ملحوظة: فى حالة استخدام خيط سميك يتم عمل 6 أسطر والعروه فى السطر الثالث

    بعد أن انتهينا من الكود يتم نقل الشغل على الأبره مقاس 4 وشغل الغرزة المطلوبه ويفضل أن تكون غرزه بسيطه لصغر مساحة الجاكيت مع تقسيم الجاكيت كما يلى
    6غرز كود - 12 غرزه صدر - 2 غرزة ثم لفه ثم 2 غرزه لعمل بداية الكتف - 10 غرز للكم - 2 غرزه ثم لفه ثم 2 غرزه لنهاية الكتف الأول - 24 غرزة للظهر - 2 غرزه ثم لفه ثم 2 غرزه
    لبداية الكتف الثانى - 10 غرز للكم - 2 غرزه ثم لفه ثم 2 غرزه لنهاية الكتف - 12 غرزة للصدر - 6 غرز للكود
    السطر التالى نشتغله عادى ونشتغل اللفات كغرز

    فى بداية الشغل ونهايته دائما نشتغل ال6 غرز كود واحده عدل وواحدة مقلوب
    ويتم التكرار حتى يصل عدد غرز الكم بدلا من 10 يصبح 50 هنا يتم نقل غرز الكم على دبوس مشبك كبير وشغل الجاكيت متصل وتجاهل الأكمام حتى نصل إلى طول 30سم يتم عمل الكود للنهاية حوالى 10 أسطر ونقفل جميع الغرز

    مع مراعاة كل 5 سم يتم عمل عروة كما سبق الشرح

    يتم نقل كم كم على الأبر للمبتدأين وشغله حتى نصل إلى حوالى 25سم يتم عمل الكود 10 أسطر وأقفال الغرز مره واحدة

    يتم تركيب الأزرار وبكدا نكون انتهينا من عمل الجاكيت
    أرجو أن يكون الشرح واضح واى استفسار انا تحت أمركم وسوف احاول تنزيل صور توضيحية إذا سمح المنتدى

    لنا عوووووووووووووووودة لتحويل الجاكيت إلى سالوبيت جمممممممممميل
  4. egypt-jasica
    بناء على رغباتكم سوف اضع طريقة عمل جاكت لطفل مولود جاكيت لطفل مولود المطلوب: عدد 2 شله 50 جم أو شله واحدة 100جم أبر مقاس 3 لعمل الكود ومقاس 4 لشغل البلوفر الطريقة 1- يتم عمل 96 غرزه على الأبر مقاس 3 ونشتغل غرزه عدل وغرزه مقلوب لعمل الكو…
    والله 100 /100 والله ينور يا ست الكل ايوة كدة استنى بقى لما ننفذ ولو وقفت فى حاجة حسئلك
    واول سؤال بتقفلى الغرزة ازاى ؟؟؟؟؟؟؟؟؟؟؟؟؟؟؟؟؟؟؟؟

تابعي تجارب أخرى من هذا القسم.