يا بنات أنا رغــــــــــــم عشرة 6سنوات , إلا انني كل يوم ازداد حيرة من زوجي وتصرفاته بعد زواجه علي من اخرى , احيانا اقول لا انا اعرف اذا هو صادق في كلامه لي ولا لا ؟!! خليني اقولكم تصرفاته :
قبل 11 شهر تزوج وحده ثانيه مطلقه ما عندها اولاد عمرها 21 سنه , بعد ما شافها رؤية شرعيه , بعدها لو ما تملك عليها يموت , المهم باع سيارته , واخذ ديون كثيرة , ورضى بمؤخر 40 الف هذا غير المهر 40 الف , و غيره و غيره استاجر شقه واثثها , كنت عارفه انها عاجبته بالمره حتى انه يوم الزواج وهو جايبها من اهلها كان يكلمني من البقاله وهو طاير من الفرحة , سبحان الله ذيك الليلة قدر الله اني ما انام من الهم , قعدت على النت وفجأة دق الباب الساعه 4 يوم فتحت لقيته هو الصراحه روعني مره , كانه حزين ومكشر استغربت وقلة وش فيك يا معرس , قال ما فيه شي , تروش عندي وانا الاحظ انه ما هو مره . مشت الايام كان تعامله معي لاباس به كان يقول ما عرفتك الا بعد ها الزواج وكان يلبي طلباتها من مطاعم , وكان اذا طلبت وهي طلبت في نفس الوقت كان يلبي طلبها قبلي ثم يجي يلبيلي كنت اقول ليه تسوي كذا كان يقول ابغى العلاقة تتوطد بيننا , المهم مع طول المده كنت الاحظ انه بدأ يتساهل معها , مثل : يفطر عندي في يومي ويومها يتثاقل عن الفطور وهي تدق ما يرد , واذا راح يقول راحت علي نومه . او يودي لها الفطور ثمن يقول بروح العمل بدري ثم يجي عندي . واحيانا يوديها اهلها ويخليها بالاسبوع ثم تدق عليه وتكذب عليه ا ناهلها بيروحون ويخلونها بالبيت . واذا قلت له انتم خليني شغاله عندك ومريحها لانه من بداية زواجه يشتري لها الفطور والغدا والعشاء كان يقول حامل ما تطبخ , او انا ما تقضيت لها , وملابسه حتى الان من زواجه الى الان ما يغسلها الا انا يقول انتي عندك شغاله ( شغالة ابوي وانا ادفع راتبها ) , بعد ما ولدت تصدقون يا بنات انه مخليها ثلاث شهور ما جابها الا بعد ما ترجته , واذا قلت حرام كان يقول ابغى ارتاح من الصرفيه , واحيانا يقول كيف اتملص من المؤخر , الحين يقولي انا طفشت منها وهي اذا طلبت طلب يلبيه لها , ودائما اكلها من برا وشغالتي تغسل ملابسه منها .
عجزت افهم فهموني يا أهل الخبرة والحكمة