وصباح الخير والياسمين والجوري

ما شاء الله البنات يومياتهم حلوة ومسلية وكل وحدة عندها شي مميز في يومها
حبيت اشارك معكم بيومياتي قبل ما انقل لاني مو عارفة اذا رح يضل نفس النظام
رح ابدا يومي من صلاة الفجر بضبط المنبه على الستة ونص بقوم بتوضى وبصلي الصبح
وما بشوف الا بنتي الصغيرة سنتين ونص اجت عندي ومعاها حرامها وبتقعد جنبي لاخلص صلاة
بتقلي تقبل الله الدنيا صبح مو ليل شايفة شايفة :) على اساس انه اول ما تشوف ضو النهار لازم تقوم من نومها :)
قليييل جداااا ما ارجع امد حالي على التخت باخدها على الحمام وبغسللها وبقوم بفتح الكمبيوتر
وباخد لفة سريعة على الجو والايميل وهيك

وبصحى ابني 8 سنين يقوم يجهز حاله ويتوضى ويصلي وبحضرله لبسته وبكويها اذا بدها كوي
وشوي شوي بنبدأ اسطوانه كل يوم .. استعجل..
اسرع من هيك ..ما تلتهي .. اطوي اواعيك .. رتب تختك :)
هلا ريحت راسي شوي وكتبتله جداول واحد عند باب الحمام ايش لازم يعمل الصبح ...وواحد بعد الاكل
عند طاولة السفرة... وواحد بس يرجع من المدرسة ...وواحد قبل النوم مشان اخفف من الاسطوانة
يعني فادتني بنسبة منيحة صار يعمل اشياء بدون ما اعيدها :42:
وبروح احضرله اللنش بوكس الي من كل يوم لانه ما بحب غير هدول و لانه ما بحب اكل المدرسة
موزة (ما بقبل غيرها قال الباقي بتغير طعمه ) علبة لبن فواكه واصبع جبنة وعصير
وسندويشة هادي بتتغير مرة (زعنر او لبنة او جبنة او بينت بتر او حلاوة ) وسناك لفنرة السناك
وبجهزله فطور سيريال وحليب

وبلبس وبلبس الصغيرة هاد اكتر شي متعب الصبح ومنروح نوصله لعند الباص بطريقنا منقعد
نحكي اذكار الصباح كل فترة بزيد ذكر حتى يتمكن من حفطهم
طبعا زوجي بولاية تانية سبقنا واحنا لاحقينه مشان هيك جدولي ما في مهام زوجية بس لمى بكون معنا نفس الترتيب بكويله اواعيه وبحضرله كاسة شاي طبعا النطام بختلف شوي











