شاركي في النقاش

سجلي الدخول لإضافة تعليق.

التعليقات

2,084

  1. @dodaaa_1

    MIKOMIKO
    اوشي: ازيك يا قمر. مصرية: ربنا يعينك يا قمر. ماما: ان شاء الله الدورة تشرف. لومي: اللي اعرفه ان السونار المهبلي مش كويس في الحمل. بندقة: ازيك؟ كل البنات صباح الخير. ازكسي: فينك, بقالك فترة مختفية انتي و نيفو و هدي.
    صباح الخير عليكم
    ماما
    ربنا يهون عليكي وان شاء الله كل تاخيرة فيها خير
    ريمو
    بحاول والله بس ساعات العيار بيفلت
    الحمد لله
    مصرية
    يابنتي الراجل بتاع التحفيظ ساله اساسا
    بس اعمل ايه؟
    جوزي مش راضي
    انا بطلت اطلب
    الحل الوحيد بالنسبة ليه عشان يرفه عني اني اروح لمرات صاحبه
    يعني مش حاسس بيا خاااااالص
    اوشي ميكو بندقة
    ازيكم؟

  2. @ashtkt_alyk

    السلام عليكم ورحمة الله و بركاته....

    ازيكم يا حبايبى.....وحشتونى جدا جدا....
    وانا و الله مغبتش عنكم ...انا باحاول كل مرة ادخل و اقرا علشان اطمن عليكم و لما آجى أرد لازم حاجة تقومنى....
    المهم...
    مبروك أن أودي اطمنت على زعزوع...وعقبال ما يتنطط على اكتافك يا رب...
    وألف مليون مبروك لوزة على سماع النبض...وعقبال بردده ما يتنطط على اكتافك و تفرحى بضمته ...


    وبندقة....
    قدر الله و ما شاء فعل يا حبيبتى.....ربنا يقويكى و يرزقك من واسع فضله...ومفيش كلام يتقال تانى لانك ما شاء الله محتسبة عند ربنا..وان شاء الله ربنا هيفرح قلبك...

    مها و ماما و أوكسى...ربنا يوفقكم فى خطوات العملية و تبشرونا بنجاحها الشهر الجاي بأمر الله...

    لومى...متقلقيش يا قمر....ده كويس أساسا ان الدكتورة شافت الكيس بسونار البطن....لانه مش بيبين حاجة فى أول الحمل....اصبري كده و ريحى و ان شاء الله اعملى سونار مهبلى الاسبوع الجاي و هتشوفى البيبى و تسمعيه كمان...ربنا يكملك على خير انتى و كل الحوامل...

    بوبا...
    ازيك يا سكر...أموت و اشوف شكلك دلوقتى عامل ازاي......ربنا يكملك على خير يا حبى...

    وداع..
    ما تسمعى الكلام و تقومى تروقى نفسك يا جميل..حد لاقى....بصى مش عايزياكى تتضايقى و لا تفكري...ده كلها هرمونات و هتتظبط هتتظبط.....بس عايزاكى فعلا تسالى الدكتور على حاجة يا دوعة....كنت قريت قبل كده ان مريضة التكيس لما تكون نحيفة...ساعات بيكون الافضل انها تاخد حبوب منع الحمل علشان تمنع تكون التكيسات الصغيرة فى المبيض و اللى وقت التنشيط بتكبر و تعمل فرط تنشيط.....دوري فى الموضوع ده و اسالى دكتور عادل و اسالى دكتورتك برده...ولو وافقوا متهيالى ممكن تستعمليها شهرين او 3 و بعدها بامر الله من اول تنشيط ربنا هيكرمك و يفرح قلبك.....
    واسمعى مش عايزين لون حزاينى تانى....وبالنسبة للشغل شغلى الزنانة لجوزك....هم ساعات فعلا مش بيحسوا بينا خالص لان تركيزهم بيبقى مع شغلهم و احساسهم انهم بيعملوا مهمة مقدسة....طبعا ده صح بس برده لازم يحس بيكى و يقدر زهقك.....زنى شوية و لطفى شوية و رزلى عليه شوية و اتدلعى شوية لحد ما المقاومة تنهار خالص...(على فكرة انا مليش فى الزن...انا باتخانق على طول...طبعا مانصحكيش بالصدامات....لكن سمعت ان الزن ليه نتايج هايلة)...يلا فرفشى بقى و ابقى طمنينى عليكى....

  3. @ashtkt_alyk

    توتا...
    سلامات يا واحشنى...والله واحشانى مووووووووووووت و فعلا انا مقصرة معاكم كتير.....بس هانت..والله يا تويتى كل ما اظبطها من ناحية تضرب من ناحية تانية ...يلا دعواتك نخلص على خير و انا ابقى على قلبكم على طوووووووووول.....

    ريمو...
    وحشانى موت يا قلبى..والله يا حبى بادخل كتير و كل مرة اقول اقرا كام صفحة علشان ادخل فى المود....وقبل ما اخلص لازم طبعا تحصل حاجة تقومنى غصب عنى.....ده غير ان عمر رخم اوي اليومين دول لان عنده إمساك شديد و ده مخليه بيعيط كتير(وهو أساس و من غير حاجة غجري جدا و كل طلباته بصوت عالى جدا)...دعواتك ربنا يزيح عنه..وانا من ناحيتى باحاول اظبطا لموضوع ده و اغير من نمط أكلى اللى كان آخر بوظان الفترة اللى فاتت..المهم انتى طمنينى عليكى و على انوسى.....

    ميزو...
    تعالى طمنينا على حمادة...عامل ايه دلوقتى...

    مصرية...
    برافو عليكى...بعد كده حرميهم يسالوا فى اللى ميخصهمش...ومع الوقت كل واحد هيحط لسانه فى بقه...وطمنينا جوزك عمل ايه فى شغله...

    ميكو و اوشى..ازيكم يا قمرات و ازي الكتاكيت

  4. @ashtkt_alyk

    سارة..
    ازيك يا حبيبى ...واحشانى كتير....ربنا يعينك على الكتاكيت و يهديهم و يجعلهم ذرية صالحة...وبامر الله فرحتك الحقيقية بيهم لما يكبروا و تلاقيهم احلى اخوات و يسلوا بعض ...ساعتها الضغط هيخف شوية و هتعيشي معاهم أحلى ايام......ربنا يباركلك فيهم يا قمر

    شيمو...
    عاملة ايه فى الدراسة يا حبيبتى...تعالى طمنينا على اخبارك لانك لما تغطسى بتقلقينا عليكى...

    باقى القمرات....سلامى ليكم جميعا......وسمحونى هارجعلكم تانى و اكتبلكم نفر نفر

تابعي تجارب أخرى من هذا القسم.