تجمع المحسنات الظن بالله (خبرات متبادله حول مراكز العقم في مصر )

اوكسى
ربنا يوفقك يا قمر ويكملك خطواتك على خير ويرزقك من حيث لا تحتسبى

زوزو
اخبارك يا قمر عامله ايه والحمل عامل ايه معاكى ربنا يثبت حملك ويررزقك بالدريه الصالحه

رمال
وحشانى يا بنتى جاسه انك اليومين دول مش بتدخلى كتير ان شاء الله خير وتكون كل امورك تمام

ماما

يا حبيبتى اطمنى ان شاء الله خير بس بطلى قلق واشربى قرفه على جنزبيل التوتر بيخلى اصلى البريود تتاخر فمتفكريش فيها على بكره بامر الله تلاقيها جت


انا بقا اخر اخبارى حجزت عند دكتور حسام يوم الاربع وان شاء الله اروحله قبل ما اسافر واشوف هيقولى ايه وربنا كريم ... صحيح يا بنات ضغطى بقاله 3 ايام واطى مش عايز يزيد عن 90 على 60 واخدت نقط الضغط من الصيدليه ومش عامله حاجه رايكم الموضوع محتاج اروح لدكتور علشان الضغط وله عادى

انا جيت شاركونى يا بنات علشان لقائى اليوم بالدكتور خلانى مش فاهمة حاجة فى اى حاجة

اولا الدكتور شخصيا مريح بس كلامه معايا مش فاهمة منه حاجة
يعنى اول حاجة انا طلعت له كل حاجة تخصنى من تحاليل قديمة و جديدة و اشعة الصبغة و تحاليل جوزى الكتير اوووووووى وكمان اغلب روشيتات الدكاترة السابقين و قالى اتفضلى على حجرة الكشف انا النهاردة كنت اليوم 11 من البيريود المهم انا حسيت بالم بسيط من السونار المهبلى و قلت له قالى عادى لازم يكون فيه الم المهم قالى ممكن تبصى معايا كده على الشاشة بصيت لقيت طبعا بويضة هو فاكرنى مش فاهمة قالى شايفة الحاجة السودة ديه ؟ ديه بويضة كويسة جدا انا كنت فاكرة هيورينى حاجة للتكيس اللى هو مش واضح ابدا فى السونار!!!!!!!!المهم قالى تمام كده اتفضلى البسى لبست و طلعت قالى ان البويضة ديه كويسة جدا طب حجمها كام يا دكتور ماقاليش قالى ممكن اقولك تحسبيها بشكل خطا انا شايف انها كويسة طب التكيس مش واضح عندى بس التحاليل بتقول كده بس انا شايف بويضة كويسة!!!!!!!!!!!تحاليل جوزك كويسة جدا!!!!!!!!!!!!!!اشعة الصبغة ممتازة!!!!!!!!!!!!!!!!كل اللى انا شايفه قدامى بيقول انك عندك تاخر حمل غير مسبب!!!!!!!!!!طب ايه الحل اعمل ايه ؟ قالى و لا حاجة و لا اخد منشط قالى لا انتى مش محتاجة منشط البويضة ممتازة بدون منشط!!!!!!!!!!!!!!سالنى بتاخدى ادوية ايه؟ قلت انا باخد السيدوفاج و البرلوديل و فوليك اسيد و رويال جيلى قالى كله تمام بس البرلوديل ليه هرمون اللبن عندك كويس (22 كويس و طبعا لما نزل 6 اكيد احسن ) عموما انا عندى مريضات حملوا و هرمون اللبن عندهم 35!!!!!!!!!انا مش متفق مع دكتور عادل فى النقطة ديه استمرى على كل العلاج الا البرلوديل وقفيه!!!!!!!!!!!!!!طب يا دكتور ايه رايك فى تحليل البروجسيترون (9) قالى كويس !!!!!!!!!!!!انا قلت معقول ده صحابى بيقولوا ضعف تبويض قالى لا ضعف تبويض يعنى 1 او النسب البسيطة ديه طبعا كل حاجة يقولى عليها اقوله صحابى بيقولولى صحابى كذا ههههههههههه
طب انا دلوقتى ايه وضعى و اعمل ايه قالى وضعك تمام و ما تعمليش حاجة انتى و جوزك الورق و السونار بيقولوا انتوا ماعندكوش حاجة تمنع الحمل !!!!!!!!!!!!!و تنشيط لا لا لا!!!!!!!!! سيبى نفسك كده !!!!!!!!!!!!!طب كده ممكن اعمل حقن مجهرى انتى مش محتاجة حقن مجهرى!!!!!!!!!!طب انا عاوزة اعمل ينفع معايا مع التكيس طبعا ينفع انا عملته كتير لناس عندها تكيس
الخلاصة استقرينا على انى اسيب نفسى شهرين كده زى ما بيقول و بعد كده اعمل حقن مجهرى و ده طبعا طلبى بعد الحاح شديد


بنات انا النهاردة بعد المقابلة ديه انا توهت خالص و مش فاهمة حاجة انا اسفة للاطالة فيدونى افادكم الله

نادو ازيك
المقابله بتاعت الدكتور بتفكرني بمقابلاتي لبقيت كل الدكارتة ماعادا دكتور عادل
كلهم بيقولولي انتي كويسه ودكتور عادل بس اللي قالي تكيس

طب انتي رحتي لمين؟ اسمه ايه الدكتور؟

وهو حقن المجهري هو اطفال الانابيب؟

توفى

اخبارك ايه؟ انا كنت عند دكتور محمد خليل هميسة اللى هنا فى اسكندرية اللى اوكسى بتابع معاه

لمعلوماتى ان الحقن المجهرى غير اطفال الانابيب

اه كويس منا رحتله وهروحله تاني ان شاء الله لما تيجي الدورة

هو مريح ما شاء الله

بس هو اللي قالي علي الحاجز ده