ابي وظيفه اي وظيفه حالتي والله ماتسر

السلام عليككم ورحمة الله وبركاته ..
كيف الحال يابنات ..
خليني ادخل في الموضوع على طول .. طبعا مثل ماهو واضح من العنوان .. انا ابي وظيفه اي وظيفه
لان الحال والله مايسر لا لعدو ولا لصديق .. احترت وين احط مشكلتي ومعاناتي فيه ..
انا عندي حماس وطاقه كبيره للشغل .. بس عندي اعاقات كثيره تخليني ما اسوي ولا شي ..
اول هالاعاقات هو ابوي ..
[ الله يهديه يارب .. حارمنا وحارم نفسه من الرزق ومن كل شي .. يحب ياخذ كل شي له لحاله .. مذوقنا الويل في حياتنا .. يعاير امي لانها اميه لاتعرف تقرا ولا تكتب يقول مالك منفعه لا منك ولا من بناتك ]
انا درست لحد الثانوي ودخلت الجامعه بس عشانه تركتها مايعطيني مصروف مثل الناس ولا يشتري لي كتب ولا يروح للمكتبات ولايشتري لي لبس ولا وفوق على كذا اذا جاء المكافاءه خذها قدام عيني ولا يعطيني منها حتى خمسه ريال تعقد ورسبت وجلست في البيت وزادت معاناتتي :icon33:
صار ياخذ راتب اخواني ومايخلي معاهم شي والمشكله مايصرف علينا ولا شي
وكل شي يجيبه لنا بالحسره ويعد الويل
والله انا ضايقه على الدنيا وابي اشتغل حتى لو طريق النت اي شغل بس يكون بعيد عنه ..
يعني مايعرف علشان ماياخذ من راتبي ابي اعطي خواتي وامي حرام والله يحتاجون ولا يلقون :44:
فا انا جيتكم هنا عشان تنصحوني وش اشتغل وبهالحاله المزريه اللي عندنا في البيت
اذا اشتغلت امي واخواني بيساعدوني بس ابوي لو يدري بيخليني اكرف وبينبسط بس هو اللي بياخذ اي شي يجيني
الله يوفق ويسعد اللي بينصحني وبيساعدني وبيوقف جنبي .. والله ان تكسب دعواتي ودعوات امي المضلومه :angry:..
محتاجتكم تكفوووون لاتخلوني ..

31 تعليق 2,971 مشاهدة

شاركي في النقاش

سجلي الدخول لإضافة تعليق.

التعليقات

28
  1. الله يكون بعونكم الله يهديه ادعيله بالهدايه واكثرررررررررررررري من الدعاء انتي وامك بان يصلحه لكم
    ما فيه الي انت تكونين مندوبه لشركه تجميل او لاتاجره ولك نسبه
    والله يسر امرك
  2. @almhtmh_gda

    صاحبة الموضوع
    جوريه ورديه ..

    آآآمين يارب

    الله يسعدك يارب وان شاء الله اكثر من الدعاء انه يفرج همي وضيقتي ويسهل لي ولجميع المسلمين امورهم
    وامي والله ماتقصر الله يجزاها خير تدعي للي تعرف وللي ماتعرف صابره ومتحمله والله اني ادعي ربي انه يعطيني صبر امي وتحملها وهي اللي شجعتني لهالفكره تقول
    [ تقول الحين هالانترنت مايقدر احد يستفيد منه ورى ماتسوين شي يجيب فلوس ]
    ومن يوم قالته وانا حاطه هالفكره في بالي مع اني اول شي قلت لها فيه بس يايمه مافي شي مضمون
    بس ناويه اتكل على الله واخلي املي بالله كبير

    امي بالنسبه لفكرتك ..
    بصراحه انا ودي بس للامانه انا ماعرف ولا شي عن هالوظيفه يعني مدري كيف وايش تطلب وايش هي الاحتياجات
    علما / انو انا في محافظه مو في مدينه كبيره فما ادري .. ممكن احد الله يجزاه خير يفهمني لهالامور

    وشاكره لك مرورك وتعليقك
    لكي ودي
  3. @sweet_ksa_1

    تقدرين تصيرين مندوبه مثل ما قالت الاخت

    شوفي اي تاجره واطرحي عليها فكرة تكونين مندوبه في محافظتك

    ولاتنسين الاستغفااااار الله يوفقك ويرزقك ويفرج همك وهم امك

تابعي تجارب أخرى من هذا القسم.