شاركي في النقاش

سجلي الدخول لإضافة تعليق.

التعليقات

2,084

  1. @ashtkt_alyk

    صباح الفل عليكم يا قمرات....

    نوفى...منورة يا قطة....ده انا حظى حلو انى دخلت و لقيتك..

    ميكو...صباح الفل يا قمر

  3. @ashtkt_alyk

    وداع...
    انا مكنتش اعرف ان ظروف الشغل عندكم كده,,,,يبقى كده جوزك عنده حق لانه خايف عليكى من البهدلة و كمان هو مش هينفع يسيب شغله علشان يوديكى و يجيبك....يبقى يا حبيبتى اسمعى كلام مصرية....ودوري على حاجة من البيت...وان شاء الله يا قلبى هتجيبى احلى نونو يشغلك عن كل ده...

    مصرية....
    لااااااااااااا خلى بالك يا حبى...انا قلت انا باعمل كده...بس نفسى اكون اهدي من كده...ومش بابقى راضيلة عن الصدامات...لان فعلا الواحد بيبقى شكله وحش اوي و كمان جو التوتر و الزعل ده انا باكرهه...عايزين نساعد بعض اننا نعيش فى هدوء و نشوف انسب الوسائل لتقليل الصدامات...وربنا يهدي الحال دايما يا حبيبتى و ميجيبش زعل بينك و بين جوزك ابدا....وميضيعش تعبه

  4. @ashtkt_alyk

    نادو...
    ولا تتلخبطى و لا حاجة..ولازم نعرف ان الطب مدارس و كل واحد بيبقى له رايه...ولو ان ده بيبقى متعب لينا اوي.....
    بصى هاقولك رايي و اللى لو انا مكانك هاعمله....
    اولا كويس ان دكتور هميسة ده هادي و مريح...بس انا شايفاه مرتاح و كووووووووول زيادة عن اللزوم و احنا ماستنيناش يوم و لا اتنين لا دول سنين...يبقى الرحرحة ديه صعب شوية نمشى عليها...(فكرنى بدكتور رحتله قبل كده كان هادي و مريح و مهذب فووووووووووووووق االوصف...وكان عنده كل شئ ممتاز....طب البرولاكتين عالى...يقولى فيه ستات بتحمل و هى بترضع..ولم يهتم اساس بالبروجسترون اللى كان 6....طب التحاليل مش مظبوطة...قالى هى فيها خلل بسيييييييييييييييط فى التبويض و ممكن معاه الحمل بدون مشاكل...وعلى فكرة لما عملى سونار قالى الرحم و المبايض شكلهم تمام و زي الفل ...يعنى مبانش تكيس خالص بالرغم من ان ال ال اتش كان 9 و كان ضعف الاف اس اتش...يعنى تكيس رسمى و بالثلث و يودي السجن كمان) يعنى كان شايف الدنيا وردي و ردي....

    المهم....انا مش مع الدكتور ده فى وقف البارلوديل لسبب مهم...ان طالما فيه تكيس (حتى لو مش باين بالسونار) بيعلى هرمون اللبن و البارلوديل بيظبطه...ولو وقفناه يبقى هيفضل يتسحب لحد ما يعلى تانى و ساعتها ممكن لاقدر الله يؤثر على التبويض و يعطلنا....يبقى الطيب احسن و خلينا مثبتينه لحد ما يحصل حمل....وانتى مشيتى عليه كتير يبقى مش هيخسر انك تكملى كمان كام شهر و توقفيه اول ما تحملى...

    وبالنسبة للتكيس وارد جدا جدا انه ميبانش فى السونار....بس انتى فى حالتك حتى لو موجود فانتى خلاص قصقصتى ريشه بالخسسان و الادوية و مش فاضل غير كورس تنشيط حلو لما جوزك ييجى و بأمر الله نباركلك كلنا...

    وأخيرا برده انا مش معاه فى اننا نمشى بدون تنشيط..لان فعلا رقم 9 ده يبقول ان فيه تبويض بس مش تمام أوي....وحله تنشيط جيد ...واسالى رمال..وهى ت=هتقولك ان اللى كان مانع الحمل عندها هو البروجسترون القليل و كان برده 9...واول مات نشطت ربنا اكرمها....وكمان التنشيط مش بعبع..هو وسيلة مساعدة و طوب الارض بياخده....

    يبقى الخلاصة..لو انا مكانك هاستمر على علاج التكيس بما فيهم البارلوديل....وكمان اول ما جوزو ييجى ننشط شهرين ..ولو لاقدر الله محصلش (ولو انى حاسة و بشده انه هيحصل)...يبقى نتجه للحقن المجهري و احنا مطمنين اننا مظبطين باقى المشاكل الهرمونية

  5. @ashtkt_alyk

    ننوسة...
    انتى قلقانة ليه يا حبيبتى....احنا كان رأينا انك تعملى التحاليل قبل ما تروحى علشان كله يبقى جاهز....
    لكن برده كده مفيش اختلاف كبير....لان زي ما نوفى قالت...مندوبين المعمل بيبقوا فى العيادة على طول و بيجيبوا النتيجة بعد ساعة او اتنين بالكتير و بتكون معاكى قبل ما تدخلى للدكتور....ويبقى كده اختصرتى المشاوير بدل ما تروحى للمعمل مرة و تستلمى النتيجة مرة و تروحى للدكتور...يبقى خليناهم مشوار واحد..
    يبقى توكلى على الله ونفذي اللى الدكتور طلبه و مش هتفرق كتير .....وكمان مش هيبقى فيها عطلة جامدة..وحتى لو هيبقى فيه انتظار شوية فى العيادة...فصدقينى مقابلة دكتور كويس و أمين و هيفهمك حالتك ممكن تستاهل الانتظار ده....

    بس لو عايزة رأيي...انتى بس ممكن تعملى البروجسترون فى الشهر اللى قبل ما تروحيله علشان الصورة تبقى واضحة..لانه بيتعمل فى اليوم ال 21 و طبعا مش هينفع يتعمل مع تحاليل تانى يوم الدورة....ومش هنروح بعيد..ممكن تعمليه برده فى اي فرع لمعمل طيبة....ويبقى كده مغيرناش كتير فى الخطة وكمان وفرنا شوية وقت..وربنا يوفققك يا حبيبتى

تابعي تجارب أخرى من هذا القسم.