السلام عليكم ورحمة الله وبركاته
الله يسعدلي صباحك دكتوره
أنا مشكلتي مع بنتي
هي عمرها 5سنوات
ومشكلتها مع التبول اللاإرادي
علمتها دخول الحمام أعزك الله من سن صغير
وكانت تقوم من النوم وتدخل الحمام من غير مساعده
وتقضي حاجته تغسل نفسها وترتدي ملابسه وترجع تنام عادي
ماشاء الله عليها
ولكن الآن بعد ماكبرت وصار سنها 5سنوات صارت تتبول على نفسها وقت النوم
حاولت أنصحها أتفاهم معاها بدون فائده
إستخدمت معاه إسلوب العقاب
مثل إني آخذ منها حاجه تحبها
أحرمها من متابعة التي في
وفي بعض الأحيان أقفل غرفتها وأمنعها من دخولها
ومع كذا الحال من سيء إلى أسواء
هي بدت معاها المشكله من سنه تقريبا..
ولكن من إسبوعين أو أكثر صارت تتبول حتى وهي جالسه معانا ووقت ماتكون صاحيه؟؟؟؟؟؟؟؟
ولما أسألها عن السبب تقول ماكنت عارفه إني أبغى الحمام!!!!!
وأكثر الأحيان تكون ع التي في أو جالسه تلعب أو ترسم
وألاقيها مبلله ملابسها
صراحه غلبت معاها
وللأسف للأسف الشديد صرت أعاقبها بالضرب
رغم إني ضد هالإسلوب وهالشي يحزني كثير
بس صرت أتنرفز بسببها
خاصة إنها داخله الروضه من إسبوعين
وخلال هالمده بللة نفسها مره وهي جوات الفصل!!!!!
ماهو العلاج برأيك يادكتوره..
على فكره بنتي مدلعينها ولا يوجد في البيت أي أسلوب للتعنيف أو الضرب
ولديها أخت صغيرها عمرها سبع شهور
والمشكله بدأت معاها قبل ولادتي لبنتي الثانيه
ولاتوجد أي تفرقه بين الأختين
بالعكس نحاول نظهر للكبيره إنها هي الكبيره والفاهمه وإنه مكانها محفوظ ماحد بياخذه أبدا
الله يجزاك الجنه يادكتوره
عذرا على كثرة كلامي
ولكن هالمشكله هذي متعبتني ومسببتلي أرق شديد
ياليت ألاقي لها علاج أو حل مناسب
ولم يسبق أن أخذتها لدكتور بسبب هذه المشكله
وبارك الله فيك ....
موضوع جديد لاستقبال اسئلتكم/الدكتورة علا أحمد
متابعة النقاش، صفحة 255