موقف لو كنتي بمكاني وش تسوين؟

بيني وبنت عمي مشكله بسيطه كل وحده منا ماحاولت تبدا بالصلح
وبدينا مانتقابل ولانتكلم مع بعض كل وحده تبي الثانية تعتذر
المهم لي اكثر من سنتين وانا واياه متزاعلين
يوم صار العصر الا وتتصل علي زوجة صديق رجلي تسلم وتسولف معي
ثم قالت اثرك تعرفين فلانه(تقصد بنت عمي) تصدقين هي عندي الحين انا واياه بعزيمه
ويبدو ان بنت عمي بعيده عنه وهي تكلم
فقالت:وبدون ماتترك لي فرصه اتكلم خوذي كلميه وسلمي عليه ..ونادت بنت عمي
احاول اقوله مايحتاج والا بعدين بس ماعطتن فرصه
هي قالت لبنت عمي خوذي كلمي (بدون ماتعلمه من هي انا)
قالت بنت عمي :السلام عليكم بحماس فرديت عليه طبيعي
هي سمعت صوتي وعرفته سكرت السماعه بوجهي علا طول
ومااتصلت ثانيه زوجة صديق رجلي وانتهت السالفه..
شرايكم عادي والا مامعه حق بالتصرف هذا؟

30 تعليق 2,593 مشاهدة

شاركي في النقاش

سجلي الدخول لإضافة تعليق.

التعليقات

26
  1. بصرااااااااااحه مالها دااااااااااااعي كان على الاقل أحترمتك قدام الحرمه بس هذا أخلاقها
    ولاتزعلي نفسك عشااااااانها
  2. @skon_27

    وعليكم السلام ورحمة الله


    ياعزيزتي لاتخلين المشاكل تحدك لقطع صلة الرحم .. أكره شيء عندي إن كانت المشكلة بسيطة
    ثم خلينا الزمن يكبرها .. شوفي الآن كبرت المشكلة بتسكيرة الخط وماأدري وشلون بتكبر بعد كذا !
    حتى لو كانت غلطانة حاولي تبادرين وتعتذرين لها وتوضحين لهاوجهة نظرك بهداوه صدقيني بتستحي وتعتذر
    حطي في بالك إنك تبين الصلح مو بس تبردين قلبك بعد هالسنتين لأن السالفة انتهت وماله داعي تنعاد ..

    شدي حالك ومتأكدة إنك قوية وبتقدرين تنهين هالمشكلة البسيطة من أساسها ..
  3. @algod_22_1

    حركتها مالها داعي بي كونى انتى الاحسن

    حاولى تسلمين اذا شفتيها فاى مكان وخلك عادى معها انسي اللى صار والله يصلح حالكم
  4. @m_mmyaoy

    سنتين متزعلين حرام عليكم والله الدنيا ماتسو

    وتدرين اعمالكم ماترفع الربي لانكم متخاصمين وخيركم من يبدا بسلام

تابعي تجارب أخرى من هذا القسم.