شاركي في النقاش

سجلي الدخول لإضافة تعليق.

التعليقات

2,084

  1. Neevooo
    حبيبي اولا خليني اقولك اننا اتشرفنا جدا جدا جدا بوجودك معانا و لو انها متاخرة حبتين تلات حباحيب ثانيا دكتور عادل مش طلب منك تعملي التحاليل عشان هيخليكي تعمليها عنده في العيادة لانه لا يثق في نتائج المعامل التانية و فقط بيثق في معمل طيبة و …
    انا كمان ياحببتى اتشرفت بيكى وبيكم كلكم ماشاء الله نعم الاخوات
    انا عارفة ان الدكتور عندة معمل تحاليل بس انا برضة سمعت هنا من البنات انة بيثق فى معمل المختبر
    وكنت عايزة اعملهم برة علشان اخلص كان نفسى مقعدتش كتير عندة انا كمان سمعت انة زحمة جداااا
    وكدة هتضطر انى استنى لحد اما احلل عندة وبعدين التحاليل تيجى وبعدين اخشلة ربنا كريم ياحببتى

  2. اشتقت اليك
    ننوسة... انتى قلقانة ليه يا حبيبتى....احنا كان رأينا انك تعملى التحاليل قبل ما تروحى علشان كله يبقى جاهز.... لكن برده كده مفيش اختلاف كبير....لان زي ما نوفى قالت...مندوبين المعمل بيبقوا فى العيادة على طول و بيجيبوا النتيجة بعد ساعة او اتني…

    يا حبيبى قلبى تسلميلى وتسلمى افكارك بس انا خلاص عديت الشهر اللى فات اليوم ال21
    فكدة بقى اعمل اية اروح للدكتور تانى يوم البيريوت واعمل التحليل بتاع تانى يوم وارجع تانى
    اروحلة لما اعمل التحليل التانى فى اليوم ال21 ولا فى حل تانى ؟

  3. اشتقت اليك
    ننوسة... انتى قلقانة ليه يا حبيبتى....احنا كان رأينا انك تعملى التحاليل قبل ما تروحى علشان كله يبقى جاهز.... لكن برده كده مفيش اختلاف كبير....لان زي ما نوفى قالت...مندوبين المعمل بيبقوا فى العيادة على طول و بيجيبوا النتيجة بعد ساعة او اتني…
    يا حبيبى قلبى تسلميلى وتسلمى افكارك بس انا خلاص عديت الشهر اللى فات اليوم ال21
    فكدة بقى اعمل اية اروح للدكتور تانى يوم البيريوت واعمل التحليل بتاع تانى يوم وارجع تانى
    اروحلة لما اعمل التحليل التانى فى اليوم ال21 ولا فى حل تان    ى

  4. ياست زوزو ماهو لازم يكون عشا بس هو فى حاجة تانية
    ده ممنوع منعا باتا باتا باتا ولا فى اى هوم ورك ولا حتى مراجعة اسالينى انا هههههههههههه

  5. @rmal_8

    زينب ابراهيم
    زبيبة يا حبيبتي هدي بس نفسك شويه هدي التوتر عشان المسائل دي عايزه تأني اولاً الحمد لله التبويض كويس جداً ماشاء الله وإن شاء الله على اليوم ال12 يكون تبويض ممتاز إن شاء الله وده حاجه كويسه أوي ومبشر بإذن الله بالنسبه للمراكز والله ماأعرف بس…
    السلام عليكم ورحمه الله وبركاتة ..
    مساء الخيرات عليكم يابنات ازيكم كلللللللكم ..

    بندقتى ..
    تسلمى الف مرة على سؤالك عنى ياحبيبة والله كلك زوق بجد .. انتى عاملة ايه انا شفت انك كاتبه انك هتروحى لحسام الاربع بالتوفيق يارب .. بالنسبه للضغط حاولى تشربى حاجات ترفع الضغط وتشوفى مع النقط هيبقى ايه النظام بس انتى اساسا من النوع اللى ضغطك بيوطى ولا دى حاجه جديدة عليكى .. عموما اديكى رايحه بكرة لد حسام وابقى خدى رأية فى القصه دى وربنا يطمنا عليكى دااااااااااايما .. وبجد هتوحشينا اوى اوى يابندقة لما تسافرى ان شاء الله ترجعى لنا تانى مصر وتعملى العمليه تانى ونفرح بيكى يارب
    بالنسبه لى ياحبيبتى انا فعلا زى ما بتقولى بس ده مش علشان ظروف وحشه الحمدلله انا كويسه وانس وكلنا بخير بس بدأت اركز اكتر واكتر فى الماسترز بتاعتى وبفكر اناقش قريب وابقى شلت الهم الكبير من على قلبى فا دعواتك ياحبيبتى انى انجر واخلصها بأمر الله .. لكن ده ميمنعنيش اطلالالاقا انى برده على قلبكوا ومعاكوا ومتابعه دبة النمله فى الملف .. (حلوة دبه النمله دى مع انهم عكس بعض خالص )
    وادينى اهوه كل يوم بدخل بدون ما تتعطل مصالحى الاخرى والله المستعان
    المهم انتى تطمنينا عليكى بكرة ولما تسافرى هنديلك رست شويه تقضى وقت مع جوزو وبعدين ترجعيلنا بدون تأخير سامعانى ولا نقول كماااااااااااااااااااان
    بوبــــــــــــــا ..
    تصدقى بالله انا فعلا قلقانه عليكى علشان بقالك كام يوم غايبه .. ياريت يابوبا الله يكرمك بلاش تقلقينى حاولى كل يوم كل يومين تدخلى ترمى السلام وانا هطمن انك كويسه .. اوعى يا بوبا تخلينى اضرب اخماس فى اسداس وتغيبى ومش تطمنينا ..
    ننوسة قلبى ..
    حبيبتى بإختصار شديد .. اعملى زى نيفو الجميلة ما قالت .. اعملى تحاليلك وبلاش تعطيل لانك لو مش عملتيها فا هتعمليها عنده فى العيادة خلصى نفسك وبالنسبه للبروجستيرون دلوقتى المفروض يتعمل فى اليوم الواحد والعشرين بس انتى المفروض رايحه له قريب يبقى ايه الحل .. الحل انه يتعمل فى معاده وتتصلى عليه تبلغيه بالنتيجة وتقولى له انك هتعملى ده علشان ينتظر منك النتيجه فى التليفون ..
    عرفتى هتعملى ايه ياقمر .. يالا بالتوفيق ان شاء الله
    ودااااااااااع ..
    يحولوكى مسار ايه وزهقتى ايه احنا لسه فى اول شهر وبنقول ياهادى .. لا انتى هتجيبى جاز من اولها ولا ايه .. احنا لسه عاملين عمرة للموتور يعنى مفيش كلام من ده تانى انتى سامعانى .. خلى بالك طويل اومال انتى الشهر ده استجابتك كانت حلوة اوى اوى ياوداع يعنى كل شهر بأمر الله هتلاقى الدنيا احلى من الشهر اللى قبله
    زبيدة ..
    حبيبتى زبدة .. انتى ليه ياحبيبتى قلقانه من موضوع البرولاكتين اوى كده .. انتى مكبرة الموضوع خااااااااااااااااااالص خالص .. لا مش دى الحاجه اللى مفروض تركزى فيها دلوقتى احنا هناخد علاج ليه يقلله وعلاج تانى يثبت نسبه على رقم ضعيف وده اللى احنا محتاجينه .. وبعدين نركنه على جمب علشان مينفعش نشغل مخنا بيه وفى حاجه تانيه لازم نركز فيها اكتر ..
    بصى نسبه البرولاكتين الطبيعيه لو عاوزة يحصل حمل لابد مش تعلى عن ال10 وده كلام د عادل للى عايز فعلا حمل ومتاخر .. علشان كده كلنا بناخد علاجه احتياطى وبنكمل على العلاج شويه علشان نبقى ريحنا مخنا منه لان ممكن فى شهر تبويضك يبقى تمام وعندك استعداد للحمل ييجى الهرمون يعلى فا يبوظ الدنيا فا ليه مش ناخد العلاج احتياطيا لحد الحمل ما يتم على خير ..
    منقدرش ننكر كلام دكاترة بيقولوا ان ممكن الحمل يحصل والواحده بترضع .. اه ده كلام مظبوط وبيحصل بس هو فعلا بيحصل لوحده معندهاش مشاكل مش زينا عندها مشاكل هرمونات .. فهمتينى .. فا الافضل تاخدى العلاج وتكملى عليه وتنسيه خالص
    وبعدين انا هرمون اللبن كان قريب من نسبتك ومع ذلك اخدت العلاج كحاجه احتياطيه
    والحمدلله ربنا اكرمنى ..
    يالا اسمعى كلام ماما وخدى له علاح وبعد كده ركزى فى الاف اس اتش وانا شايفه ماشاء الله تبويضك كويس ياحبيبتى يالا ربنا يكرمك يارب
    عزيزة ..
    ايه ياحبيبتى ربنا ميجيبش مشاكل ولا كلام من ده ابدا يارب .. قلقتينى عليكى والله .. ربنا يفك كربك يارب ويجبر خاطرك .. قولى لنا ايه اخبار الخسسان طيب خلينا ننقل على موجة تانيه يمكن النكد يتفك .. :27:

تابعي تجارب أخرى من هذا القسم.