ملف -قلة التركيز وفرط الحركه....الى كل ام تعاني من هذه الاعراض عند طفلها يفتح ملف

الله يطمن بالك ويشفي ولدك ويعطيك على قد نيتك سكر

دايم تريحيني الله يريحك ولا يوريك مكروه بحياتك


انا مو بالرياض للاسف باسكان برا الرياض وولدي هالحين تمهيدي



وقاعده اقنع زوجي انا ننقل للرياض اهلي واهله هناك لكن دوامه صعبه يروح ويجي



تدرين يوم دخل ولدي المركز استأجرت بشقق الرحاب اللي جنب المركز وكنت انام انا وولدي بالغرفه لحالنا اكثر الايام مو كلها بعض الايام يجي زوجي


كانت ايام الله لايوريك انواع ضيقة الصدر والكآبه تخيلي تعيشين فتره بغرفه وحده وحمام تكرمين


لكن كله يهون اذا فكرت بعلاج ولدي ومستقبله



وانا مثلك ماعلمت احد عن سالفة المركز


تخيلي مابيني وبين بيت اهلي الا ربع ساعه لكن ماحبيت اطلع انا وولدي قدامهم يوميا يعرفون بسالفة ولدي


الرسول يقول بما معنى الحديث اقضوا حوائجكم بالكتمان

اهلين ببنات اخباركم اشتقت لكم وربي
اخبارك سكوره ماتشوفين شر ان شاء الله
حبيت اسالك عبودي ياخذ دواء والا خلاص وقفتيه
اما تصرفات عبودي من ناحية اخوانه وما يبي الزملاء يشوفونهم عادي ولدي كذا ولو تسمعين صوته وهو يدخلهم تنحاشين
++++++++

اما عن اخباري كل ما كتبت ما ينرسل تعبت
لكن بحاول

اما اخبار العروسه صاحبة الملف يشتكون المدرسات من كثرة الكلام سواء بالباص او الفصل ماتسكت الا بالتهديد
وماتمل من اللعب مع انها خلاص كبرت عمرها 10اللي بعمرها مره عاقلات وتحب تسولف مع البنات الكبار تطفشهم وبس تمشي وتعزم لو اطيعها ما فضى البيت ابد
وفيها طبع الصراخ والصوت العالي على اي شي واي شي يزعلها بسرعه حتى لو كنا عند ناس واذا تمون عليه تنشب لي بتجلس عندهم واذا يقربون لنا بتنام عندهم تحرجني ما تسكت لين اصرفها واقول خلاص
عاد تعالي شوفي الاسئله كم عمرها وش تدرس شاطره والا لا وبروسهم مية؟؟؟؟؟؟؟؟؟؟و؟؟؟؟؟؟؟ لكن يستحون
واللبس كل شي مقلوب والربط وتسكير الازرار ماتعرف
واذا طفشت من نفسها تقول انا مجنونه ابدعي ربي يعقلني واستغفر لين اعقل وربي ارحمها اذا قالته بعني حاسه انها تسوي اشياء غلط
وسلا متكم

بنات شوركم وهداية الله
راح أدور لها مدرسه خاصه تجي للبيت تدرسها
واعطيها علاج للتركيز
بس محتاره بين الريتالين والكونسرتا
قريت ان الكونسرتا أخف وأفضل
مثل ماقلت لكم البنت عمرها 6سنين وكم شهر الدكتور اللي عندنا في عرعر ماعنده مشكله بيصرف اي شي
وانا محتاره

بنات الله يعافيكم بسالكم من تعرف الدكتور محمد الدوسري استشاري مخ واعصااب وين عياادته ومن ودت ولده له قبل