شاركي في النقاش

سجلي الدخول لإضافة تعليق.

التعليقات

2,134
  1. @aaamr_klby

    صباح الخير|فديتكم والله عالاخلاق اللي غمرتوني فيها عسى ماتفقدوووون غالي ولايفقدوكم ياااااااااارب
    خشف الله يعينج على مديرج ويحنن قلبه عليج
    بيت سعيد نورتي وسلااااامات يالغاليه ماتشوفين شر
    واااااو يارب يرووووووووح السكر بلااااااارجعه ويتم حملج وولادتج بسلامه يارب
    غير وريج وضحكه بعد الله يتمم حملكم وولادت البيبيات بسلامه وخلقه تامه"؛

    ام اسمى بنت الظهرات لين القطوه ميمي احسان راية العز اتج آر لولوه الاصيله ومجنونة قطر ام الولد الحلو فدييييييييييييييتكم
  2. @ghyr_4

    بيت سعيد ما تشوفين شر حبيبتي .. وحشتينا :)

    ام الولد الحلو : ويهون عليج يارب و تقر عينج بشوفت جنينج ان شاء الله

    عامر قلبي : منورتنا :)

    .
    .

    شفتي شلون معاناتي , الساعه 5 وللحين ماني قادره انام ..!
  3. السلام عليكم صباحكم عسل
    واي حبيبتي عامر ويلكم باك من كم يوم مسويه لج نداء صج صج وحشتيني وكل تاخيره فيها خيره ان شاءالله توكلي على الله والله ييسر امورج فديتج وايد فرحت برجعتج
    غيور الله يهون عليج وتولدين بالسلامه وانا اقول موعدي وايد متاخر وشكلي الاسبوع الجاي باروح عند عمر باشوف شينصحني فيه
    بيت سعيد سلامتج غناتي ماتشوفين شر
    كود اخبارج عقب الموعد ايش صار؟؟
    ريوج الله يهون عليج انتي وكل حوامل التجمع يارب
    ام اسمى الله ييسر سفرتج وترجعين بالسلامه
    ام الحلو ولين اخباركم؟؟
    باقي البنات الله يرزقكم اضعاف اللي تتمنونه يارب ولا تنسونا من دعاكم :39:
  4. صباح الخير

    كل اللي اسألوا عني .. تسلمون فيكم الخير .. و اللي ما سألوا عني بعد تسلمون و فيكم الخير اعرف انكم غفلتوا :)
    المهم القصة طويلة علشان جذي نطرت لين اكون فاضية لين ما اكتبها ..
    بعد ما كنت مكتأبة سويت اللي اسويه دايما اني انام و هذي نصيحة مني اني انام و اقوم و احس اني فصلت من المود يعني كان يوم جديد و اللي راح انتهي و طلعت عيالي عندنا بركة في الحوش و سبحتهم و الحمد لله وايد نفسيتي احسن و صدقوني انا تفكيري مب في الحمل لهالدرجة لان ولدي صغير و مشغولة صج اتمنى بس الحمل مب مثل قبل هوس بالنسبة لي بس مهما الانسان كان قوي لازم ياخذ وقت في الصدمات و يزعل شوي المشكلة مب في الزعل المشكلة لو سيطر الزعل و الكآبة على الحياة بس فترات الزعل صحية و طبيعية و هذي الحياة .. :27:
    اليوم الأول ..
    رحت موعد المستشفى يوم الاربعاء وصلت الساعة ٨ الزحمة قاتلة رقمي كان ٣٠ للتلفزيون .. على دخلتي التلفزيون شافتني مريم قالتلي ما خلصتي قلتلها اللحين دوري و دروت مرضاها اللي عندهم تلفزيون كان في بعد وحدة و دخلتها قبل لانها تبي تروح الظاهر او شي المهم السالفة سوت شوي بلبلة و هواش من الناس اللي كان دورهم بس الحمد لله كان دوري اصلا ..
    طبعا تموا يقولون ان شاء الله حامل و نفتك منج بس انا قلتلهم اني حللت بيت و كان فيه حمل و حللت دم و مافيه قالوا غريبة في وحدة مصرية مثلج و مكلمتهم نفس المسألة المهم قالوا بطانة الرحم سميكة و حللولي دم قالوا كلمينا بكرة علشان لو فيه حمل
    في الطريق زوجي قال نشتري تحليل ( يحب هالسوالف .. ) شرينا تحليل دخلت الحمام الله يعزكم و التحليل ماركة ثانية غير عن الاثنين اللي قبل و حللت بعد طلع خط خفيف !!!!! المهم توني ابي اطلع الا امسح و اشوف دم قلت بنت اللذين ما وهلت قبل ما اخسر و استخدم التحليل ..
    المهم الدورة غزيررررررة .. وقلت Back to block zero .. نبدأ ..

    اليوم الثاني
    رحت امس وصلت ٨ بعد لاني اوصل اليهال المدرسة و عارفين الزحمة قلتلهم على اللي صار كانوا يبون يصرفوني للاحد ما رضيت .. رقمي للتلفزيون ٣٨ ! هلكت في النطرة ما دخلت الا ١١ و شوي
    صورت قالت علشان يبدون لازم البطانة ٥ قالت ان اليمين عندي ٥ بس اليسار ٦ و قالت شوفي ايش تقول الدكتورة ..
    مريم تأخرت و بعد ما دخلت عليها قالت بتعطيني الادوية ابدأ فيها الجمعة علشان تعطي فرصة البطانة تضعف اكثر المهم جدول طويل عريض اول كم يوم حبتين و بعد ٣ حبات و كل كم يوم يتغير العدد المهم حسبت العدد على الورقة و العدد اللي عطوني اياه الصيدلية اكتشفت انهم عطوني عدد زيادة ما ادري انا ملخبطة و الا هم بس اعتقد هم لان الورقة واضحة و خليت زوجي يعد معاي .. على العموم زيادة احسن من ناقص ... الله يعين علقت الجدول على الثلاجة علشان اشوفه دايما و ما انسى و احط صح على الجدول .. نسيت اقول انهم عطوني الحبوب ١١ يوم كل شوي تقول لا تاريخ مادري كم..لا لا يمكن يكون زحمة حطيها يوم ثاني يعني يحددون الموعد على الزحمة مب حالتي ..لين ما استقروا على تاريخ ٢٦ و عطوني الورقة ١١ يوم .. الله المستعان بعد احسن من الابر ..


    مقتطفات

    • اول يوم كنت ادور حد اسولف معاه نصيحة لما تروحون الموعد لفي على اللي قاعدة جنبج و ابتسمي يمكن تطلع حليوه و تسولف و يعدي الوقت عليج و عليها .. انا اطالع يمين و يسار محد عطاني ويه الكل لايعه جبده ... غيرت مكاني بعد صراحة يوم الاربعاء حلجي تلزق و انا وحدة ( لو ملاحظين خخخ ) احب اسولف ما اعرف اتم جذي ساكته ..


    • بس يوم الخميس اللي رزقني بكم وحدة حليوين و سولفت استانست و سمعت قصص عجيبة ..



    • وحدة كانت جايه القسم و جايبه بنتها ترويهم .. قالوا ما شاء الله هذي ١٥ ما عندها عيال و جابت هالبنت عقب العلاج ... قلتلهم صج لا تقنطوا من رحمة الله ..



    • في الله يعزكم حماممين مجابلين قسم الانابيب واحد بابه على الممر اللي انا دايما ادخله و في اللي بابة على جنب اول مرة ادخله امس وكنت بصصصصصصصصصيييييح خنقتني العبرة حسيت اني انسان المكان كانه فندق الطوفة موزاييك ..صورت الحمام خخخخ خاطري اصور الممرات خفت يقولون مينونة بس في الحمام محد يدري صورت ..شوفوها




    معليه وحدة متفرغة ..
    و بس هذي القصة الحلوة .. وبما اني دايما لازم عندي اكشنات على قولت اختي و مواضيعي تتعقد و تطلع لي اشياء غريبه خل المشاكل و الاكشنات تصير في البداية و ربي يسيرها لي في الارجاع احسن ما تصير تمشي الامور تمام مثل المرة اللي طافت و اتبهدل في الارجاع و الكل يلعب فيني في الارجاع على قولة الدكتورة مريم ...

    وتوته توته خلصت الحدوته ..انشوفكم في الجزء الثاني بعد١١ يوم..

    لا إله إلا الله وحده لا شريك له، له الملك وله الحمد وهو على كل شيء قدير، اللهم لا مانع لما أعطيت، ولا معطي لما منعت، ولا ينفع ذا الجد منك الجد



تابعي تجارب أخرى من هذا القسم.