تعالوا بنات جاوبوني وانصحوني

السلام عليكم

بنات انا جديده على هالعالم يعني مااكتشفت اصابتي بمرض روحي الا قريب

بس المشكله المشايخ مااحد راضي يقولي وش فيني كلهم بس يقولون تحتاجين رقيه ولاتسألين وش فيك :(

ماعلينا عندي اسئله للي عندهم خبره

1-انا بوقت الرقيه اكون حاسه باللي حولي واسمع كل كلامهم وادري وش يقولون بس احيانا ارد عليهم بكلام

ماله داعي احسه غصب يطلع واصرخ وابكي ماادري ليه ؟ يقولون اللي متلبس فيك هو اللي يتكلم

طيب يصير يتكلم هو وانا اسمع واحس بكل شي والا لا ؟

2-كثير يجيني وسواس انه كل اللي فيني وسواس وانا مافيني شي احترت ماادري من اصدق ؟

3-لما اقرأ اعراض الامراض الروحيه اغلبها عندي بس ماادري كيف اميز انا فيني عين او مس او سحر

او وشو بالضبط يعني تقريبا كل الاعراض عندي :(


اخيرا ابي نصايح يعني وقت الدوره شسوي اسمع رقيه واحط زيت والا اوقف ؟

انا بوقت الدوره يجيني كسل فضيع حتى الاذكار اتركها اصلا انساها مااذكرها



7 تعليق 1,071 مشاهدة

شاركي في النقاش

سجلي الدخول لإضافة تعليق.

التعليقات

7
  1. @hormh_aazozy

    يالغاليه اغلب الناس مايدرون وش فيهم الا من تكثيف الرقيه يتبين لك

    يمكن عندك مس بسبب عين او سحر او مس جاك من شي بسم الله عليك

    واتوقع مس

    المهم انتي دوم دوم اسمعي الرقيه الشامله

    واقري على نفسك الرقيه وانفثي واذا ماقدرتي روحي عند شيخ يوميا وحتى انتي بالبيت خلي اهلك يقرون او انتي عشان تشافين بسرعه

    كل شي سويه واللحين ابيك تسجلين بمنتدى خاص بالامراض الروحيه تابعي عند كم شيخ

    منتدى عبدالله الخليفه

    منتدى الخير للرقيه الشرعيه
    http://www.ruqya.net/forum/index.php

    وادخلي منتديات تخص الرقى وشوفي تجارب الناس مع الرقيه ومع الحاجات الي يسوونها والله راح تستفيدين

    الله يشفيك في هذي الساعه ويرفع عنك البلااء وييسر امرك يارب
  2. مو لازم تعرفين وش عندك اهم شيء تتابعين على العلاج والرقيه والتحصين

    والهم منها وقت الدوره وقت خطير المفروض تكثفين التحصين والقرآئه وتدهنين

    وانصحك تسجلين في منتديات الرقيه وتتبحثين في هاالأمور عشان تستفدين اكثر

    والله يشفيك اهم شيء الثقه بالله
  3. لا تشغلين نفسك بنوع الأذى الي عندك سحر أو عين لأن الأعراض غالبا متشابهة وعلاجها واحد الي هو الرقية
    أما ادراكك لكل شيء حولك وللكلام الي ينطق به العارض
    أنا زيك بالضبط وحتى الي قابلتهم عند الرقاة مثلنا يفقدون السيطرة على تصرفاتهم وكلامهم
    المهم العارض يوسوس لك ان مافيك شيء عشان تتركين العلاج
    استمري والله يعجل بشفاءك

تابعي تجارب أخرى من هذا القسم.