شاركي في النقاش

سجلي الدخول لإضافة تعليق.

التعليقات

772
  1. @amoag_hadyh_2

    ههههههههههههه اما مواقفكم تحف صحيح

    انا مره كنت رايحه مع اختي للسوبر ماركت وكانت معها كوبون تبع السوبر ماركت تجمع فيه نقاط لين ماتوصل عدد معين بعدين يسوون لها تخفيض على المشتروات وقالت لي عليه وانا ما استوعبت طريقته كنت احسب اني اذا شريت على طول بيخفضون لي وتحمست وانا اجمع الحاجات اللي ابيها ودبلتها علشان استفيد من التخفيض ويوم جينا نحاسب طلع مبلغ وقدره وقلت للمحاسب ومع التخفيض حق الكوبون كم يسير المبلغ قال مافيه تخفيض الحكايه وما فيها انك كل ما اشتريتي بمبلغ 100 ريال نحسب لك نقطه وهكذا المهم انا طاح وجهي وتفشلت من المحاسب وبنفس الوقت انقهرت من اختي وقمت ابرطم عليها مثل الحجه وهي تتلفت ما كني اكلمها بعدها تبت اني اتهور مره ثانيه
  2. @am_shmaa_hyaty

    هذي الله يسلمكم وحده اعرفها عندها ولد وبنت اشقياء الله يهديهم
    في يوم بعد الغداء دخل الرجال ينام وهي تنظف البيت وسمعت باب البيت الخارجي ينفتح
    قالت اكيد العيال طلعوا , تركت كل شي في يدها واخذت شرشف الصلاه في طريقها وطلعت تطارد وراهم
    في الشارع وهم يلفون وراها ويدخلون البيت ويسكرون البااااااااااااااااااااااب عليها في الشارع
    تقول التفت يمين يسار الحمدلله الشارع فاضي وتدق الجرس تقول وانا خايفه من زوجي اذا شافني في الشارع واسوي نفسي زعلانه علشان لايتسرع في حكمه
    وفتح لها الباب وعيونه نوم وقال لها (انتي بكبرك في الشارع ) تقول هو قالها من هنا وانا افطس ضحك عليه نسيت اني معصبه وهو رجع نام <<<<<<<<<<<<<<<<<<<<<اثاريه عارف عياله

تابعي تجارب أخرى من هذا القسم.