تكفوون عطوني طريقه اتعامل فيها فيها مع ولدي!!!!!

ماخليت انا وابوه ولا طريقه ضرب حرمان من المصروف ومن الطلعه قاطعناه مانكلمه ومو راضي يغير اطباعه توه سادس ابتدائي وخايفه السنين الجايه
قرب البلوغ وماودي يجي ذاا اليوم وتخيلوو ليه كم يوم اذكره بالصلاة والاخلاص فيهاوعنده اصحاب بالمدرسه ماني مرتاحه لهم!!

المهم جاا ابوه اليوم تخيلوووضربه ضرب والله لو شافوه حقوق الانسان يمكن ينسجن والسبب!!


هرب من المدرسه تخيلوو سادس ابتدائي ويهرب ذاا في المتوسط والثانوي

ايش يسوي

المشكله اني مااعرف اتعامل بحنان زي الامهات مااادري عاد لو فتحت سالفتي ماني بساكته الى بكرره المهم اعطوني طريقه اتعامل فيها معاه تكفوون والاستعانه اولا واخيرا بالله <انما اشكي بثي وحزني لله رب العالمين

8 تعليق 863 مشاهدة

شاركي في النقاش

سجلي الدخول لإضافة تعليق.

التعليقات

8
  1. @am_alkhmayl

    انصجك بما يلي:

    اول شي الدعاااء في السجود وآخر الليل وبين الاذان والاقامة..قولي (اللهم اصلحه ووفقه وارزقني بره )

    ثاني شي تلطفي معه والغي شي اسمه ضرب من قاموسك وقاموس ابوه...هو ليس بحيوان...طبيعي يتصرف يهمجيه لانكم تعاملونه هكذا...لو هو ولد يعامل بأدب واحترام تتوقعين يهرب من على السور؟؟
    انتم المسؤولين عن تصرفاته..

    لا تضربينه الا للصلاة وضرب خفيف وانيت تقولين له اخاف عليك من النار يا وليدي...يعني مو يحس انك تضربينه كرها فيه بل بمحبة..


    ثالثا اشبعيه حنان وكلام طيب...لاتقولين ما اقدر..جربي مرة وبتكون البداية وبعدها بيصير عادي..ضميه لصدرك مع دمعتين وقولي انت كنزي في هالدنيا الله يخليك لي...

    امدحيه وهو يسمع احيانا بوجهه واحيانا سوي نفسك ما تدرين انه يسمع..قولي الله يرضى عليك ان اراضيه عليك....قولي ولدي صار يحافظ على الصلاة...تلقائي بيحافظ عليها...ولدي صار بار ..بيبرك...وهكذا..


    هو الان على اعتاب مراهقة.,يعني على اعتاب حفرة عميقة لا تكونون سبب في سقوطه فيها...اعينوه على نفسه وعلى الشيطان ورفقاء السوء....


    كوني صديقه له في هذا السن وترفقي به...واشعريه بمعزته عندك..اذا ما اكل قولي والله ماذوقه وانت ما اكلت..اذا شفتيه متكدر قولي ما ارتاح بدنيتي وقطعة قلبي متكدر...اشعريه بغلاته عندك وبتنذهلين من النتيجة...ولا تتوقيع بيتغير في يوم وليله ..ولا تعاندينه ترى هو المراهق وانتي الام..ما ادري وش فرق بعض الامهات عن زوجات الاباء؟؟ لاحنان ولا حب ولا تفاهم؟؟ يمكن بعض زوجات الاباء ارحم واحن من بعض الامهات....

    ولا تنسيني وذريتي من صالح دعاك...

  2. ياشيخه الله يعين عليهم اليوم ولدي وقع على ورقه وزور توقيع أبوه وطلع مع اصحابه للبحر في رحله مدرسيه وزجي راح للمدرسه عشان يسأل عنه لقاه رايح من غير أذن الله يهديهم مالنا ألى الدعاء ولاتقسون عليه كلكم طولي باللك وخذيه بأسلوب ليش سوى كذا الله يعين عليهم والله تعب
  3. لازم تتوكلون على الله بالدعاء و عمل الأسباب ..

    يا قلبي حااااااااااااااولي تكونين حنونه وتقربين منه لو تطلعين انتِ وياه لمطعم ولا كوفي ولا حديقة وتكلمينه على رواق وفهموه انكم تحبون مصلحته وتحبونه يكون احسن الناس ..
    كلموه بهدوء لأنه قرب للمراهقة والمراهقين ترى يبونك تقدرينهم كأنهم كبار ..
    الحقي على ولدك لا يروح مع شلة يحسسونه انه قوي بعدين يورطونه ..

    انتم الي خلوه كبير عطوه بعض مسؤوليات البيت مثل اذا كنتو تخلونه يروح البقالة يجيب بعض الاغراض لك وامدحي وكافئية بالمدح إذا جابها ..

    حسسوه انه كبير كلموه على انه كبير ..

    وادعي واستغفري و تصدقي..وربي بيسهل عليكم تربيته ..

    فيه واحد يقول اعرف واحد رجل أعمال ما يفضى لعياله ابد
    بس انه مخصص وقت للاعمال الخيرية وسألته ليه خصصت وقت للاعمال الخيرية قال لعل الله يصلح بها اولادي لأنه ما يجد وقت يربيهم ويقول فعلا رأيت أولاده من احسن اللأولاد ..

    فأنتم هدوا الوضع لا تطيرون وتصرخون ترى العيال ما يدرون انكم تصرخون عشان مصلحته يحسبكم تذلونه ويحس انكم مستصغرينه ..

    اقري في كتب التربية عن مرحلته وخصائصها و التعامل معها وإذا ما عندك وقت اسألي متخصصين في التربية هذا ولدكم و أمانة في ايديكم ..

    الله يصلحه ويخليه لك ..

    ربك كريم بيستجيب دعوتك لا تفوتين ساعات اليل الأخيرة بالدعاء ..
  4. @gmark

    ياليت ازوجك ماضربه
    حرام

    لاتضربون الولد لسى صغير والضرب في هذا الزمن ماينفع بالعكس ممكن يجيب نتايج عكسيه


    لاتضربونه ثاني مره واذا ولدك سوى غلط حتى لو كان ابوه يدري قولي له ابوك مايدري بس اذا درى بتعرف كيف يتصرف


    اذا ماتعرفين تتعاملين بحنان على الاقل روحي في غرفته وهو قاعد وحاولي تتكلمين وياه بهدوء وتشوفين ليش يسوي كذا

    تكلمي وياه مطولا جدا في هالموضوع ولكن بهدوء تام علشان يحس بخوفك عليه على الاقل


    وقولي له انت تحدد طريقة تعامل ابوك معاك اذا صرت رجال وتسمع الكلام ابوك بيعطيك كل اللي تبيه وماراح يرفض لك طلب


    لانك تستاهل بس اذا استمريت على عنادك ولعبك ماراح تشوف الا المشاكل والخناق


    اما بالنسبه لاصحابه فحاولي تشغلين ولدك عنهم لاتخلونه يطلع كثير برا البيت ودايما خذوه مكان ماتروحون


    والمتوسط على الابواب غيرو مدرسته وابعدوه عنهم


    ونصيحه من لك استخدمي ولدك دايما في البيت لاتتركينه لاصحابه حتى لو كانوا طيبين

    عودوه على طلباتكم وينتبه لأخوانه وللبيت

    مسكيه مسئوليه حتى لو كانت بسيطه لاتتركينه يكبر وهو بعيد لانه كذا ماراح ينفعك اذا كبر لان من شب على شي شاب عليه


    والله التربيه صعبه

    حتى انا اعاني مع ولدي الله يصلحه ويصلح ولدك وشباب المسلمين

تابعي تجارب أخرى من هذا القسم.