$$$$حبايبنا كروشات مكة ملف تفاعلي لمستشفيات مكة$$$$

اعذريني ياعسل على التأخير

انا رحت على طول لقسم الاشعه وطلبت التصوير الرباعي من عندهم من دون ما امر على الدكتوره

وسووها لي على طووووول....

وماعندي تامين .............

المشكله ان المستشفيات الحكوميه خياطتهم اي كلام يعني اللي ولدت ثلاث مرات او اربع مايخيطوها ويخلوكي تحوسي بعمرك وتروحي للخاص يخيطونك وغير كذا مايخلوا البيبي في الحضانه عندهم من اول ماتولدي يجيبوه لكي وانتي غيري ورضعي واسهري مايخلوك ترتاحي وتنامي ويخوفونك انتبهيله عشان ماينسرق انتي المسئوله
غير عن الغرف المشتركه والحمام واحد شي مقرف بصراحه
والله الولاده تيسير من عند الله سواء في خاص والا حكومي لكن الاهتمام بعد الولاده هو الاهم

أنا كمان أنصحكم لااااااااااااحد يروح لعصمت الصيفي ما تسمع لك و تسوي نفسها فاهمة و وحده قريبتي ولدت عندها و كانت إلا بتولدها عملية و هي مو محتاجة و كانت معها على ما اعتقد أختها و هي دكتورة قالتلها ليش عملية ما يحتاج و ولدت طبيعي الحمدلله انتبهوا من النصب حبيباتي مافي أحد يقدر يطالب بتحسين مستوى مستشفيات مكة ليش ما شاء الله كل شي بجدة يعني اللي بمكة مالهم رب ولا هم يرموا الدكاترة التعبانين فيها مين يقدر يوصل للجهات المسؤولة الكلام ذا حتى مافي غير مستشفتين ولا ثلاثة الكويسة كلها قديمة و خايسة و تسد النفس الواحد يبغى شي نظيف مريح عناية إهتمام مراعاة المريضة و الحامل وقت الولادة شي ثاني اللي نفسيتها خايسة لا تشتغل بهالمجال أحسن الشغلة يبغالها طولة بال و صبر و تحمل الوحدة وقت الولادة هم ما يدروا كيف نفسيتها كمان يزودوها تعب فوق تعبها ؟؟
مكة مدينة عامرة ماشاء الله و رئيسية المفروض يكون مستوى مستشفياتها عالي وراقي و دكاترتها ممتازين غير كذه الدكتورة اللي نفسيتها شينة و تعاملها صعب تخرب سمعتها و تشرد الناس منها يعني هي مرتاحة كذه لما يتكلموا عنها و يحذروا منها حتى المستشفى زي الرفيع قديمة و حر و حمام الله لا يوريكم القرف و مافي نظام و الوحدة تنتظر دورها ما تدري متى يجي غير الممرضة اللي مو دارية أصلا ولا تنادي بصوت مسموع ولا حد دري عنها مافي ترتيب بالدور شي مقرررررررف آآآآآآه ه ه بس لو يشوفوا مستشفيات جدة ماشاء الله يبكوا على حالهم تعامل راقي نظافة ترتيب تنظيم شي يفتح النفس دكتورات فاهمة مو هنا الحمدلله بس حتى التمريض تعاملهم راقي و احترام للشخص يعني مستشفى زي الرفيع سمعتها خربااااااانة عاجبهم كذه حالهم أهم شي الفلوس ولا المريض ماله قيمة عندهم الله لا يحوجنا لهم ولا لأمثالهم
آسفة طولت عليكم بس بجد شي يقهر مدينة زي مكة مافيها توليد مظبوط من كل النواحي الله يسامحهم بس و مشكورة ياصاحبة الموضوع بجد كنا محتاجين موضوع زي كذه

رفع
وينكم كروشات مكه

رفع