بتخرب حياتي والسبب والدي تريده زوجا

اخواتي اخت زوجي ارمله ولديها اطفال منذ سنتين طلبت مني ان ازوجها والدي علما بان والدتي موجوده فكنت افكر الموضوع مزحه وعدى بعد فتره اعادت لي الموضوع من جديد فقلت لها من جدك قالت نعم واريدك ان تخبري اخي باني اريد الزواج فقلت لها انتي اخبري اخوك انا لااستطيع اما والدي فهو مستقر ولايريد الزواج الان ومنذ سنه ونصف والمشاكل بيني وبينها تزود وكله علشان والدي لدرجة صارت تتهمني عند زوجي باشياء مالها اساس من الصحه زوجي يثق فيني ولا يصدقها لكني انا تعبت من المشاكل قطعت علاقتي فيها ماصرت اجيها ولااكلمها صارت تجي عندي في البيت صرت اطلع قبل ماتجي الان صارت تجي لي من غير اتصال الان تريد ان تخطب بنتي لولده بنتي صغيره عمرها 16 سنه زوجي رافض شوهت سمعتي عند الناس ماادري وش الحل معاها الان انا نقلت بعيد عنها ولاصرت اجيها نهائي ماادري الاوهي زايرتني وش الحل ازوها والدي والاوش السواه معها انا الى الان لم اخبر زوجي بانها تريد الزواج بوالدي اخاف تنكر الموضوع عنده وتزود المشاكل بينناحياتي مه زوجي سعيده حتى هو لكن اخاف من كثرة مشاكلها معاي تغير زوجي لانه صار يتضايق ولايكلمني لمن تصير مشكله مع اخته

16 تعليق 1,402 مشاهدة

شاركي في النقاش

سجلي الدخول لإضافة تعليق.

التعليقات

12



  1. يعني برايك الحل هو يتزوجيها والدك ؟
    ترتاحين انتي وتروح فيها امك اسم الله عليها وعلى كل ام مسلمه يارب

    ابعدي عنها واقطعي علاقتك فيها
    وقولي لزوجك الحقيقه وارتاحي

    ..

    .




  2. لا انتبهي لاتزوجينها ابوك النوعيه هذي راح تسبب لك مشاكل مع امك..دوري لها انتي زوج كبير بالسن من قرايبك يكون ارمل او مطلق او خلي زوجك يدور لها. او اقطعي علاقتك معها.
  3. @nof_alhrby

    صاحبة الموضوع
    اشكركم اخواتي على ردودكم اللي اسعدتني انا لاافكر اني تزوجها بوالدي لانها ليست بكفؤ والدي ووالدتي سعيدين بحياتهم ولاافكر اني اخطب لها اصلا اولادها مايوافقون مع اني ضد هالفكره بكره يكبرون وكل واحد يروح بحياته وتجلس الام او الاب من غير طرف اخر
  4. اخسريها احسن وهي ما راح تزوج ولدها لبنتك بالغصب
    واما انك تريحين نفسك وامك تتعب هذي ما تصير
    واذكريها عند خطابه يمكن تلقى نصيبها وتريحكم
    الله يفرج لك...
  5. @bnt_albld_2

    مساااااا الورد


    اذا صح ما قيل فهذي المرأة مريضة .. وتحتاج للدعاء ..
    عموما الاخت صاحبة المشكلة من غير المعقول انك تزوجينها والدك علشان تكف المشاكل !!!!
    طيب وش ذنب امك ؟!!!
    المهم
    حاولي تناقشينها باسلوب وبلين وقولي لها لو انتي تبغين زوج انا مستعدة ادور لك رجل كفء وهو يتقدم لك وحاولي تبينين لها انك تبين مصلحتها , اذا وافقت كان بها ولو عاندت فزي ما قالو الاخوات والشكوى لله تحايلي عليها وسجلي صوتها وسمعي اخوك التسجيل وخليه على علم بالامر لا تخلينه بعد هو زي الاطرش بالزفة ( تؤخذ الدنيا غلابا ) :27:



    ومن ناحية تزويج ابنتك لولدها فهميها انك رافضة بسبب صغر سن بنتك مو لعيب فيهم

    يعني حاولي تكسبينها وما راح تخسرين شي



    دمتي بخير

تابعي تجارب أخرى من هذا القسم.