طفلي
السلام عليكم كيفكم بنات تكفون ابي نصائحكم وتوجيهاتكم بنات انا توني صغيره وعندي ولد الله يهديه ويصلحه عمره 3سنوات وشهرين بس اسم الله عليه حرك مره ولعبه احيانا يكون دفش وماينتحمل وانا معروفه مررره عصبيه ومااتحمل ابد وهوفي كل مكان معاي حتى في المطبخ يكون معي يجلس فوق الطقم وانااطبخ وليته يجلس هادي لااااااااااااااااا وانا بطبعي مااحب احد يشتغل معي احب اكون لوحدي وتخيلو بالطلعات معاي مايروح مع ابوه واذا جلست على اللاب يلعب حولي واذا جلست على كنبه يجلس جنبي واذا جلست على كنبه ثانيه يجي ويجلس معي يعني بالعربي طول وقته معاي حتى لو ابوه موجود بنات انا ادري بتقولون وين المشكله انا مثل ماقلت لكم عصبيه واعصب عليه واحيانا اضربه وادعي عليه ماعاد اتحمله ابي اعرف كيف اتعامل معاه وابي اعرف هل فعلا المفرض مااضربه والا كيف يعني ماادري انتو تضربون اولادكم ولالا ابي اعرف كيف اربيه تربيه صالحه ابي اعرف اذا كان طفلك شقي كيف معاملتك له تكفون تفاعلو معي واللي ماعندها رد ترفع الموضوع ايه وابي اسئل كم مره تعطينه شوكليت وشيبس باليوم