كح كح كح ذكريــــات حارتنـــــا القديمــــة تعالي دوري بنــــات جيرانــكم

انا من العود في الرياض كنت اروح انا واخواني نجيب التميس تذكرونه يابنات اذا دخلتي الحاره اللي فيها كلها تعج ريحته اللي تفتح النفس مهب الحين ماله ريحه ولا تذكرون شختك بختك وعشانا بعض الاحيان مشكل اللي يجي بعلبه الحين مستحيل تلقين مثله
واذا جاء العيد لبسنا ورحنا للبيوت وندور ونقول بصوت عالي عطونا عيدنا عادت عليكم وتفتح الباب راعية البيت وتعطينا عيدنا اللي هو حلاوء مشكل ونحطها في الشنطه ولا تذكرزن كتاب القراءه حصد زرع مهب الحين التعقيد بعينه والاتذكرون كرديزر وهاني ولا مسلسل وضحى وبن عجلان كان ماعندنا تلفزيون ويروح عمي يتفرج عند الجيران والا اذا فاز الهلال جاب ولد جيرانا دحيم كرتون بيبسي القزاز ووزع علينا وعلبة الطحينيه اللي اذافتحتيها كلها زيت يوه ه ه يابنات ذكرتوني ولا تذكرون اذا جت الاختبارات رحنا نشتري اللي نثبت فيها ورقة الاختبار اللي مكتوب عليها من جد وجد ومن زرع حصد وفي جنبها مكان للقلم

يالله من جد حنيت لايام زمان
انا في الرياض اسم الحاره
حاره بن دايل
طريق الحجاز
يسلموو