السلام عليكم ورحمة الله وبركاته
ازيكم يابنات وحشتوني جدا
الحمد لله عملت النهارده سحب بويضات ولله الحمد والمنة كويسين اللهم لك الحمدوالشكر يارب
الخميس حيكون الإرجاع بإذن الله يارب يطلعوا عندي أجنة درجة أولى
ماما أنا بجد خايفه عليكي وبدعيلك من كل قلبي يارب تتكلل جهودك وتعبك بفرحة كبيرة تشليها في حضنك وانتي راجعه السودان يارب يا كريم وعلى فكره بإذن الله استحاله أغير الإسم خلاص ثابت بس هي تشرف وتيجي المجرمه دي .
سارة على رأيك احنا فعلا اتهرينا من كتر التجارب بس اللي خلى الهسهس اشتغل معايا يا بنتي والله رجليه وايديه ورمت بقيت أمشي في الشقة زي البطريق وكأني شيله حاجه وحتنفجر كنت بشوف نفسي في المرايه ألاقيني مش أنا وحده تانيه غيري عشان كده اشتغل الهسهس عندي
بوسيلي العصابة القمرايه اللي معاكي
نادو ازيك يا حبيبتي معلش كل تأخيره فيها خيره وربنا أكيد له حكمة في التأخير ده وربنا يرزقك بالحمل الشهر الجاي يانادوووو
شيمولاتا الشكولاتا ربنا يجزيكي كل خير يا حبيبتي ويارب تتلخمي في أولادك قريب أوي
مميزات ومها ووداع وكل البنات الحلوين بدون ذكر الأسماء شكرا لدعواتك يا حبايب قلبي
كل البنات بدون ذكر أسماء ربنا يراضيكم ويرزقكم من حيث لا تحتسبوا يارب
أستودعكم الله الذي لا تضيع ودائعه
حروح أنام النهارده يوم النوم العالمي البنج بيتعبني أوي يعملي كرشة نفس ودوخة وأحلى حاجه يسد نفسي عن الأكل سلام يا عسولات عالم حواء
تجمع المحسنات الظن بالله (خبرات متبادله حول مراكز العقم في مصر )
متابعة النقاش، صفحة 283