شلونكم بنات ..عساكم بخير...........
بدش في الوموضوع سيده بدون مقدمات انا <img width="320" height="240" title="" src="https://homepage-uploads.s3-eu-west-1.amazonaws.com/sites/default/files/3_8_113.gif" />اشك في زوجي بشكل مو طبيعي لاني صابني بسهم الخيانه من قبل ومن ذاك اليوم انعدمت الثقه :44:بس قبل كنت اثق في مو في بس واثقه من نفسي اني حلوه وصغيره وشاعلتله العشره وماني مقصره معا باي شي من كل النواحي والله يابنات مو غرور بس ثقه واكتشفت بوقت متاخر الخيانه وحلف انه ماراح يعيدها بس انا مو مصدقه تخيلو انه لما يبي يطلع من البيت اسويله تحقيق وين ومع منو وليش ولمه يوصل اتصل علي فيديوووو عشان اشوف المكان اله اهو في واذا دقيت علي ولقيتها انتضار اقوم الدنيا ومااقعدها وتصير مشكله كبيره بيني وبينه واذا رجع للبيت افتش في ملابسه واشم ريحتها وافتش التلفون وكل ما ركبنا السياره اقعد افتش بالدروج وتحت الكراسي يمكن الاقي دليل واشياء كثيره لو اقعد اكتبها ماخلص .....واخرتها اليوم قلت له انه تلفوني مافي رصيد قالي عندي خط قديم قاطه في الدرج في رصيد خذي استعملي على مااجيبلك والمغرب سويت له قهوه وكيك
وقمت اقهوي وله تلفونه داق مارد علي قلت ليش مارديت قال هذا واحد مالي خلقه قلت زين ماشي وخليته لما دش يتسبح وافتح تلفونه واخذ الرقم وحفضته عندي ولما طلع من البيت بعدها بنص ساعه دقيت على الرقم وكنت مستعده للسب :mad: ..... وتفاجئت انه رد علي رجال ياربي توهقت شسوي اذا سكرت بوجه اخاف يدق علي مره ثانيه ويكون زوجي موجود قلت سلام عليكم 
ورد السلام قلت هذا تلفون ام عبدالله قالي لا اختي غلطانه قلت طيب اسفين على الازعاج قال حياك الله ياحلوه 
وانا قلبي يرقع وافيهها 5 دقايق اله داق علي زوجي قالي ........الصدمه..............قالي انتي ماتستحين على وجهك داقه على رفيجي وانا قاعد في بيته مافيك حيا يا .....يا......يا:icon33: انا بالحضه هذي حسيت انه ماي بارد نصب علي من الفشله وحاولت ابرر الموقف بس بصراحه مايتبرر نهائيا والحين زوجي زعلان علي ومايكلمني ......بس والله مو مني احس انه صارت فينني عقدت الشك والغيره والله تعبت نفسيا الي عنده حل لاتبخل علي الله يجزاها خير ........ودمتم سالمين