::: تجمــع ( المتقدمات + المرشحات ) للوظائف التعليمية معاً لإكمال مشوار التعيين :::
متابعة النقاش، صفحة 759
شاركي في النقاش
سجلي الدخول لإضافة تعليق.
التعليقات
4,587
.
.
السلام عليكم
يسعد مساكم معلمات
وكل واوقاتكم يارب
.
.
جارة الحبيب
اهلين ياقلبي لك وحشه كبيره
احنا بخير كيفك انتي ان شاء الله تمام
ربي يوفقك ويسعد قلبك بكل ماتتمنين
.
.
تومويو
وعليكم السلام ورحمة الله
اهلين ياعسل
احبك الله الذي احببتني فيه ^_^
ماعندي قصه ولا شي ههههه
بالنسبة للتقديم على الديوان للوظائف التعليمية (معلمات)
يكون مره وحده بالسنه تقريبا بشهر 6 او 7
ويكون التقديم على موقع وزارة الخدمة المدنية على النت
ويستمر التقديم اسبوعين
بعدها نبدأ انتظار الترشيحات واللي تطلع تقريبا بعد التقديم بـ شهر
او اقل شوي او اكثر
وبعد الترشيحات تدخل المرشحة بمراحل مختلفة اذا تجاوزتها كلها
يصدر قرار تعيينها رسمياً
والمعلمات الجدد تعينوا على المستوى الخامس الدرجة الاولى للتربويات
والمستوى الرابع الدرجة الاولى لغير التربويات
يعني الرواتب بحدود الـ 8 آلاف - اللهم بارك -
والاداريات على حسب
اذا عينت رسميا من الوزاره كـ اداريه رواتبهم مرتفعه زي المعلمات
اما اذا تعاقدوا معاها المدرسة كمدخلة بيانات مثلا راتبها بيكون من الميزانية
مايتجاوز 2000 ريال وهالشيء نادر يصير
موفقه ياعسل وان شاء الله قريب نبارك لك تعيينك ^_^
.
.
لوفلي
فديت طلتك وحشتيييييني
كيفك وش اخبارك وكيف الكتكوتات
خفي عليهم شوي هههههه ضحكتيني والله
كان الله بـ عونك ,, فترة وتعدي ان شاء الله
هم صعبين بداية السنه بس بعدين اذا تعودوا على اسلوبك
واستوعبوا وش يعني دراسه يسلكون ان شاء الله
بوسي لي الحلوات ربي يحفظهم
وكل صباح استودعي الله نفسك وبناتك
ربي يحفظهم لك ويحفظك لهم
.
.
ام فيوفه
اسأل الله العظيم ان يشفيك
ويسخر لك زوجك ويحفظ اولادك
ويفتح لك ابواب الرزق والسعاده
.
.
عذراء جدة
انا بـ بادية نائية جداً
ومع ذلك الحصص 45 دقيقة
والسبت والاحد 8 حصص
غالباً وبما اني ماسكة الوكالة
كل صباح اعدل الجدول واقدم الحصص اذا فيه غياب كثير
يسروا ولا تعسروا
المفروض المديرة والوكيلة يتعاونون شوي معاكم
الا في حال مالمسوا نفس الشي منكم
يعني احيانا يجونك معلمات الحصص الاخيرة
يقولون تكفون طلعونا ومتنازلين عن الحصص
وبعدها بفتره يقولون اي والله حنا وش ذنبنا تضيع حصصنا !
بهالحاله نمشي ع الجدول الاساسي ونحط حصص احتياط اسلم
<< وحده تفضفض خخخخ
الله يعيننا جميعا
.
.
الضوء
وعليكم السلام ورحمة الله
لك وحشه قد الدنيا
كيفك ياقلبي وش اخبارك
ياحياتي,, انتي بعد ماسكة صف اول
الله يكتب لكم الاجر جميعا
حاسه بالجهد الكبير اللي تبذلونه
معلمة الصف الاول من المعلمات القريبات لي
وشايفه قد ايش تتعبون
لكن يابنات احتسبوا الاجر .. وحطوا ببالكم
راح يجي يوم وتحسون بثمرة هالجهد
واذكركم التربية بهالمراحل مهمة
يعني لا تهتمون بالمادة العلمية وبس
علموهم التعامل الصحيح مع زميلاتهم ومعلماتهم
والاستئذان قبل اي تصرف
والنظافة الشخصية ... إلخ
الله يعينكم ويأجركم خيراً
الضوء
فهمت انك طول الاسبوع ساكنه قريب من المدرسه؟
ونهاية الاسبوع عند اهلك
الله يعينك ياقلبي .. بتفرج ان شاء الله
وبتمر السنه بدون مانحس
وتصير ذكريات ^_^
ماشاء الله خلصنا شهر واحسه مر بسرعه
الله ييسر لنا جميعا
.
.
الضوء20 السلام عليكم ... كيفكم يا معلمات يا عسولات ... وحشتوني وبالخص شبوصة وحشتيني مررررررررررررررة . انا ما عاد اقدر ادخل المنتدى زي اول واقرى اخباركم <<<<< سقى الله ايام الفضاوه >>>>> لاني طول الاسبوع في المنفى الي تعينت فيه والخميس والجمعة…
وعليكم السلام اخبارنا تمام الله يوفقك وتنقلين قريب ان شاء الله- تسلمين شباصه على الاجابة لله يوفقك
تصدقين ضحكت يوم عرفت ان الديوان يفتح مرة بالسنه
دول ثانيه يفتح فيها الديوان كل كورس وحتى بالصيف يفتحونه لخريجات الصيفي
واحنا مرة بالسنه ههههههههههههههههههههههههههههههه
الله يرزقنا ويعيننا - السلام عليكم
حبيباتي اختكم نور الروح اللي كانت معاكم في هذا الموضوع تسلم عليكم جميعا وهي وصتني ادخل الموضوع وابلغكم انكم تدعو لها
لانه بكرة باذن الله عمليتها بالله ادعو لها ..
اما عن وضعها انا كتبت سابقا موضوع في المنتدى وهذا رابطه
http://forum.hawaaworld.com/showthread.php?t=2663853
وهذا رابط الحادث اللي صار لهم بالجريدة
http://www.alriyadh.com/2010/10/18/article569002.html - .
.
لا حول ولا قوة الا بالله
والله مو عارفه وش اكتب
قلبي يوجعني وايديني ترجف من خوفي عليها
:(
اللهم اني استودعك اختي نور الروح فـ احفظها يا خير الحافظين
اللهم اشفها شفاءاً لا يغادر سقماً
اللهم عجل بـ شفائها ورد لها عافيتها
يااااارب
:(
:(
:(
.
.
مواضيع مشابهة
تابعي تجارب أخرى من هذا القسم.