المميزه عند حمولتها تدخل !!

شوفي مرت اخوي هو اخونا الوحيد كافيه خيرها شرها وانا مالنا دخل فيها ولا في عيالها ولا زوجها هي مقدرتنا ومقدره امي صح انها حرمه غير مباليه للبيت والطبخ واتكاليه على الخادمات بشكل كبيرالا ان مميزاتها تغطي على عيوبها واكيد كل شخص لازم يصير عنده عيوب

اهل زوجي يحبوني ويحترموني وانا مثلهم اخوات زوجي والله انهم زي اخواتي ودايم مع بعض يمكن اكثر من سلفاتي الباقيات بس بحدود الادب وطبعا محد يتدخل في احد كلن له حياته

احبهم ويحبوني واعتبرهم مثل اهلي واهل زوجي يحبون راحتي وانا احب لهم كل خيررررر
الحمد لله..

رحيل 33 ..

ايه والله مرتاحه لهم الحمدلله ماتمنيت اهل زوجي يكونون اكثر من كذا يعني موب نقادين ولا قد جدعوا علي كلمة تجرحني ولا يتشرهون وتاركيني بحالي عرفتي كيف

اذا قالوا سالفة لي دخل فيها سولفت واذا سالوني تكلمت غيره ماحب اتكلم كثير

على فكرة خوات زوجي كلهم متزوجات وعندهم عيال مافي الا وحده صغيره بالبيت

وانا مامدح نفسي معهم انا مقصره بعد يعني ماحس اني سنعه من ناحية الحكي ولا بالشغل مع اني احاول

يعني لاصارت خالتي لحالها قمت معها بس لاصارو كل بناتها فيه احس اني مالي داعي اقوبم بس احشرهم على الفاضي مو عجز مني

اما عند اهلي انا غير فرفوشية واحب الضحك والكلامي واجد ومزاجيه بقوووة بس اهلي يتحملوني الناس مو متحمليني

غصب عني لاصرت عندهم اقلب مية وثمانين درجه للعلم انا موب اجتماعيه

انا محتارة مع اهل زوجي ماعرفت اتعامل معهم ولا ودي اخسرهم ادري طولت عليك مااعطى وجه بس فرحت انه فيه احد لقى لي بال :)

ياحبي لكم يالغاليااات:39:
اسعدني مروركم واسعدتني مشاركاتكم المفيده والفعاله. بصراحه ماتوقعت هالكم من الردود , والشكر ايضا لكل من رفع الموضوع.
بانتظار المزيد ياحلوات:27:
لكن فيه سؤال,, ماتلاحظون سالفه الحظ لها دور يعني اللي له حظ والله لو وش يسوي عادي زي العسل واللي ماله حظ لو يقطع قلبه ماكنه سوى شي يعني انتي وحظك عند حمولتك!!
فعلا الحظ له دور مع اهل الزوج وحده من سلايفي دمها ثقيل ومغرورة وشايفة حالها وتحرض بناتها انهم مايلعبوا مع بنات اعمامهم ولا يساعدون جدتهم بشيئ يجون كأنهم ضيوف وصامته عندهم ليس صمت هدوء بل صمت مصطنع خبيثة والعياذ بالله ولاتحضر مناسباتهم الا في النادروتحتقرهم وتتكلم فيهم عند زوجها وانهم مش من مستواها ومع ذلك يحبونها ويدافعون عنها تدرون ليش لأنها على قولتها انها من نسب الرسول
أما سلفتي الثانية تحبهم وتحترمهم وتخدمهم بعيونها وبنت ناس محترمة وترسل بناتها يخدمون جدتهم بعكس الأولى ومع ذلك مسكينه مالها حظ عندهم مايبالون فيها وشايفين حالهم عليها أما أنا مأديها حق الله فيهم أزورهم وما أطول عندهم وماني صامته مثل الجدار لا أنا احب اتكلم معاهم على خفيف وما ادري عنهم يحبوني ولا يكرهوني وأشوف وضعهم مع سلفاتي وأضحك واقول عجبي والدنيا حظوظ