هلا وغلا وسهلا بالحلوات
حلى ام علي يمييييي مره لزيز زي حق المطاعم انا استخدمت فيه عجينه الجلاش افضل من البف باستري ب ملييووووون مره
المقادير **
عجينه الجلاش اللي تكون رول طبعا (نتركها على درجه حراره الغرفه لما تلين )
خمس كاسات ونص حليب (كاسات الجبن )
علبه حليب نستله
علبه قشطه
مكسرات (عين الجمل وكاجو واي نوع تحبين )
ذره فانيليا
فنجال سكر
شفتوا المقادير كيف شويه بس مفعوها كبير
الطريقه *
نغلي الحليب واذا غلي نضيف له حليب النستله والقشطه ونحرك الصوره 1
نقطع عجينه الجلاش من الوسط الصوره2
نبدأ نكسر العجينه نكسرها مو نفتتها يعني القطع تكون كبيره شوي نفس اللي بالصوره هذي بعد ماكسرتها
حطيتها ب صينيتين الصوره3
ادخلهم الفرن على درجه 200 فهرن هايت
لما تشجقر العجينه وتبدا تتكسر معك
الصوره4
اتركيها على جنب تبرد شوي
جاء دور المكسرات كسريها بالسكين عين الجمل كل وحده اكسريها 2 لان القطعه كبيره
بعد ماتبرد عجينه الجلاش جيبي صينيه كبيره وحطي فيها نصف مقدار العجينه وانثري فوقه نصف مقدار المكسرات
زي اللي بالصوره5
جيبي نصف خليط الحليب وصبيه فوق العجينه شوي شوي علشان يتوزع كويس
بعد ماتنتهين حطي المقدار الباقي من العجينه فوق وكذلك المكسرات ونبدأ بصب باقي الحليب فوقه
الصوره 7
ندخله الفرن 10 دقائق على درجه 180 فهرن هايت لما يشقر من فوق ويجمد الحليب لان العجينه راح تتشرب الحليب
ننثر فوقها مكسرات بعد ماتنتهي
هذي شكلها .. وطعمها شي ثاااااااااني
2
اتمنى تعجبكم بس فيه شي مهم هي مره دسمه يعني اذا كلتيها لاتتغدين او تتعشين بعدها لان السعرات مره كثيره فيها
وبالله التوفيق