التجمع الخامس لمجموعة الصفرررررر اسأل الله الشفاااء <<حياكم الله حبيباات قلبي>>>>

سامحيني ماكان ودي انزل دموعك
آمين يارب الله يتقبل منك دعاءك الطيب


آمين يارب
مشكورة عزيزتي لردك




ليش البكاء وربي تعبت من البكاء خلاص لي شهر ونص وانا ابكي ترى في تفاصيل ثانية وأفلام وقصص صارت مع اهل زوجي بس ماودي انشر الغسيل اخاف يمر احد من هنا ويعرف غسيلي

المهم ماعاد لي خلق ابكي ومااقول غير الله يتقبل دعاءك ويعطيك اللي يرضيك



عزيزتي نفس شعوري أنا وزوجي في اول اسبوع خاصة واننا ماجلسنا في البيت كنا اغلب الوقت في المستشفى كنا نحس باكتئاب وخوف ولا عندنا لحمودي اي شعور اكيد مانكرهه بس ماكنا نحس اننا نحبه لكن مع الايام تغيرت نظرتنا له وحبيناه حتى ان زوجي اللي كان رافض الفكرة في البداية قالي ماراح نرجعه لو كان مرضه خطير بنعالجه ولا نتخلى عنه لاني في البداية قلت له نأخذه ونكشف عليه وان كان مرضه خطير نرجعه لكن سبحان الله فعلا يطرح حبه في قلوب الكل وتحسين برحمتك له ولا يهون عليك
بس ترى ابليس لازم يلعب دوره



ياقلبي خلي بكرة لبكرة ربي يحلها من عنده

ومو دايم تكون النفسيات وحدة او الظروف وحدة

انا زميل اخويا نفس الوضع عارف انهم مو اهله لكن يحبهم كأنهم اهله زوجوه وشافوا عياله وهذا هو ماشاء الله عايش حياته مبسوط ومايخجل من وضعه بالعكس الكل عارف عن ظروفه

آمين يارب ربي يديم عليه نعمة الصحة والعافيه ويرزقنا بتربيته مجاورة الرسول بالجنة اللهم آمين



تسلمين حبيبتي
ولا تراعين الناس لان الناس عمرهم مابيسكتون واللي يخاف الله مابيأذي طفل صغير
ولو ربيته صح وعلمتيه يكون قوي بأخلاقه ماراح يهتم لكلام الناس وشوفي ردي فوق عن زميل اخويا



آمين يارب تسلمين حبيبتي على الدعاء الطيب ربي يتقبله منك

هي صح الاجراءات والقوانين صعبة شوي
لكن حاولي تحتضني يتيم من بلدكم وربي ييسر لك الخير



آمين يارب ربي يتقبل منك
حبيبتي نفس ردي للاخت سمني انت قدمي على احتضان طفل من بلدك
موفقين للخير



آمين يارب ودي اشوفه احسن الناس ودي الناس تطلب قربه ووده الله يبلغني فيه كل اللي اتمناه

هذي دمووع الفرح عسى الفرح دووم في حياتك


عزيزاتي اقرأوا قصة زياد بن أبيه لمزيد من الحماس في موضوع احتضان اليتيم (مجهول الأبوين)

ماشاء الله شوق الغلا
الله يخليلك حمودي يارب ويرزقك إخوان وأخوات له

يارب ارزقنا يارب وكل محروم يارب

صباح الخير
كيفكم بنات
ماصرت أدخل التجمع كثير عشان النفسية بس قلبي معاكم أخواتي
حتى إذا دعيت لنفسي أتذكر على طول أعشاب مفيدة وعاشقة الحرم ولا يهونون الباقيين كلكم غاليات
بس سبحان الله هالثنتين على طول أتذكرهم وأدعي لهم

آخر التطورات بما إن مواعيدنا بالرياض لسى باقي عليها 4 شهور وشوي
طلبنا عسل وخلطة من الشيخ خالد العويض بالأحساء ب400 ريال تكفي شهر سمعت عنه كثير ووحدة من صديقاتي مآخذة خلطة لزوجها وكان عنده ضعف بالحيوانات وارتفع العدد ماشاء الله وسوت تلقيح والحين عندها ولد ماشاء الله تبارك الله

وتحمسنا له وكلمه زوجي وارتاح له هو إمام مسجد ومعروف ويقول إن 27 حالة مرت عليه وعالجها وحملت زوجاتهم بس ماسأله زوجي إذا كانوا صفر أو بس ضعف تعرفون الرجال مايحبون التفاصيل وإلا ياليت سأله
وقاله إن هرمون الحليب عنده مرتفع وقال هالخلطة تنظمه إن شاء الله

أنا متحمسة للخلطة ويارب يكون فيها الشفا بعد قدرة الله
إللي تبي رقمه من عيوني بس تعطيني خبر

وخبر ثاني البروكسيد بلس موجود بالدمام :icon28: على كلام صديقتي أكيد إنه موجود
بس للأسف مزنوقين هالشهر وإلا كان اشتريناه بس يالله الحمد لله على كل حال



والله يرزقنا ويرزقكم الذرية الصالحة وماتجي السنة الجديدة إلا وحنا حوامل يارب