¥ تجمع عرايس الصيف [1431-2010]الرجاء فتح تجمع جديد ]

لاشكر على واجب حبيبتي
اي وقت تبين تسأليني فيه انا حاضره والله يوفقك ويسهلك ونصيحه من الحين دوري وش تبين مكياج تسريحه يعني سنتري ع النت وابحثي لايجي وقت التجهيز والضيق وتجلسين محتاسه
ومشكورة ع الدعوة

هلا وغلا مبروك الحمل الله يتمم لك ويهون عليك
يا حليلك انا خفت استعجل وأتفشل بس قلت لزوجي الدورة تأخرت وأبي أطمن ما جبت له طاري الحمل فرحت أمس المستشفى قالت حمل،، عاد هو يقول فاجئتيني وانت حاسة ولا قلتي لي قلت ما ابغى أستعجل ويكون السبب ثاني والله يتمم لنا على خير

روحي لمحل ياسمين الي على طريق الملك فهد عنده بجايم حرير تنفع للايام الاولى لانها ساترة ونعومي عنده اشياء حلوة وباقي البجايم خذيها من الهرم مرررة حلوة

والعطورات عندك جوسي كوتور مرررة يجنن حتى زوجي يقول تعطري فيه عندي بس
وهو عنده مانسيرا رجالي خوراافي مررة يجنن فيه نوعين القولد مركز على ريحة عود والثاني لونه على أصفر هذا مررة عاجبني
واذا بتهدين لزوجك روحي لباسم القاسم مركزه الرئيسي ع طريق الملك فهد قدام مكتبة الملك فهد تقدرين تاخذين مجموعة ومن ضمنها علبة قزاز تنقشين عليها اسم زوجك مرررة فخم زوجي انجن عليه وعلبتهم فخمة تختارين مجموعة عطور ويحطونها في علبة
ولهم كشكات في غرناطة وصحارى

أنا وصلت الفندق الساعة وحدة فصخت عبايتي وجلست بفستاني لأن ما أمدى زوجي يشوفه بس فكيت الجيبون في البيت وجلسنا نسولف شوي ثم قال احس فستانك مثقل عليك غيريه عشان نتعشى وغيرت ولبست قميصي ةكان مررة حلو وأعجبه كثير ثم قال خل نصلي ركعتين وصلينا ثم تعشينا وأذن الفجر فتوضيت بهدوء حتى ما يسيح مكياجي بس شلت المسكرة لأنها تمنع وصول الماء وجففت وجهي بهدوء وزوجي طلع يصلي في مصل الفندق ورمى علي بوسة قال بعد الصلاة بتكون البوسة بدون واير لس:35:
ثم صليت وتعطرت ثم دخلنا الغرفة وفكيت طقمي حتى ما يثقل علي وما جلست ع السرير جلست ع الكنبة ثم جا وأخذني بيدي وجلسني ع السرير ثم جلس يوريني رسايلنا الي قبل الزواج ثم نمنا ولا فكيت تسريحتي ولمااصبحنا كانت رحلتنا قبل العصر دخلت دورة المياه ابتروش وتحسفت ع التسريحة والمكياج وخفت أطول ولا يمديني اتصلح مضبوط فهونت وغيرت ملابسي وخففت التسريحة فكيت الحشوة فطلع شعري ويفي طلع مرررة حلو ولما وصلنا بعد السفر استحميت وغسلت شعري وانفكت التسريحة بسهولة لاني فكيتها بالتدريج ونمت فيفها فخف المثبت والحمدلله اني ما فكيتها من أول ليلة لأنها باقية محافظة على شكلها
وبس
الله يوفقكم وتنبسطون يارب

صح بنات على طاري الصلاه زوجي ذكرني فيها قمنا صلينا وحط يده على راسي وجلس يدعي وانا من الثواره قلت له هات راسك ادعي انا بعد خخخخخخخخخخخخ
وبعدها شرب مويه وقالي اشربي من نفس الكوب استغربت ليه قالي سنه >لاتنسوووون
اساسا الصلاه ذي تسحب الشحنات السالبه منك والتوتر والخوف عشان كذا سنها الشارع