متوهقه في باقي لحم ورز العزيمة تعالي عندي الحل ....

قد يحتوي هذا الموضوع على محتوى غير مناسب. عرض الموضوع
السلام عليكم ورحمة الله وبركاته
أخواتي الحوائيات حبيت أنزل هذا الموضوع من زمان بس زين جت فرصة
كثر من الأخوات ما تدري وين تحط باقي رز العزيمة واللحم خصوصا إذا صار كثير بزيادة بعضهم يا يرسلونه لناس محتاجين أو للجمعيات إلي تستقبل فائض الأطعمة
لكن هذي طريقة في الإستفادة منه مرة ثانية
والله ماتتوقعون طعم في قمة الروعة وجربوا
طبعا طريقتي في الرز أشيل أي حاجة من عليه زي الليمون والخيار واللحم وأنظف أطراف الصحن وأبدأ أقسمه في سفرة أو كيس على حسب كمية الغداء للأسرة ولا يتغير طعمه وأحطه بالفريزر وإذا جاء قبل الغداء بساعة
أحطه بقدر وأغطي القدر بالقصدير واشغل عليه على نار صغيرة
أما بالنسبة للحم أغسله من الرز وأبدأ أقسمه في أكياس نفس الرز وإذا جيت أبي أطبخه أحطه في الرف الثلاجه بعد الفجر عشان يذوب وبعدين أطلعه وقت وضع الرز وأبهره جميع أنواع البهارات إلي عندك وأقطع معاه بصل وثوم وطماطم حلقات وأضعه بصينية مغطاه بقصدير
وإذا نزل كل السوائل فكي القصدير وخليه يشوى
صح ويكون الفرن شغال من فوق وتحت والصور تحكي ذلك
أرجو من الأخوات الإستفادة
والله الله بالردود
وأدعولي بالحمل هذا الشهر وصلاح ولدي وتسخير زوجي لي

82 تعليق 18,782 مشاهدة

شاركي في النقاش

سجلي الدخول لإضافة تعليق.

التعليقات

79
  1. @hdooaaallyl

    نفس طريقتنا من زماااااااااااااااان الله يحسن خاتمتنا يارب
    بس الآن صرت ما عاد أحط الرز بالفريزر أحطه بالرف العلوي بالثلاجة عشان مايثلج ويتكسر الرز
    وأخذ منه حسب حاجتي وأسخن غالباً ما أخلي إلا حق يومين بس إذا الأكل كثير أوزع الباقي
    واللحم مثل ماقلتي أغسله عن بقايا الرز وألفه بقصدير وبرضه الرف العلوي بالثلاجة
    بس أنا أرجع أحطه بالفرن من فوق وتحت من غير لابهارات ولاشيئ ويطلع محمر والطبقة العلوية مقرررررررررمشة تجنن
    وصحة وعافية على قلوبكم
    شهيتيني :)

تابعي تجارب أخرى من هذا القسم.