بنات ساعدوني

عن تجربه انا مثلك جبت بنتي الكبيره وعمري 18 والحين عمرها 8 سنوات
واختها عمرها 9 شهور ومتحسفه اني قضيت ها الوقت عشان لسة صغيره احس بنتي اللي دفعت الثمن
انا اقول اذا كمل ولدك سنتين ونص احملي عشان اذا ولدتي يكون عدا الثلاث وهذا رايي

بنظرتي انك ترتاحين


بس اذا زوجك يبي هالشي خلاص القرار قراره

بعدين العرض مغري ههههه

طيب استني على القليله لما يترك الحفاظ وياكل زيكم لانها راح يتعبك لما تكوني حامل من ناحيت تشيلين تغيرينه الحفاظ ونتي في بطنك الثاني الا اذا عندك خدامه عادي انا واله تعبت لما عيالي جو على بعض بس كل واحد ونحمله انا عني ماتحمل

مشكورين على الردود العسل والله انشرح صدري لردودكم بس في نفس الوقت محتاره جدا شكلي بقوله اخليها لمن يصير ولدي سنتين ونص واحمل لاني بيني وبينكم حابه جسمي بعد ولادة ولدي ماودي تعرفون تغيرات الجسمانيه اللي راح تصير؟؟؟؟ بس ان شاءالله مايغير العرض هههههه

بس حابه اعرف امهات اطفالهم ورا بعض بليز لاتحرموني من ردودكم الحلوه........وماكسيما الله يرزقك بالذريه الصالحه عاجلا غير اجل من كل قلبي اقولها

انا بعمرك واحس فيك,,
صراحه 1 مو مثل 2 ابدا لا بالتربيه ولا بالعيشه
انا اختي جايبه 2 ورى بعض معاناه كأنها عجوز مو ملحقه على شي ابد
بس تصارخ وتلاحقهم مع انهم اللحين اعمارهم 4و3 سنين وللحين منغثه
بس اختي الثانيه الي معها 1 مرتاحه وتروح وتجي على كيفها حتى لما تسافر او تروح للسوق خفيفه
يعني انصحك وبقووه تأجلين الحمل لانك بتسافرين فتره بس بعدها بتنغثين سنين
بالعكس عيشي حياتك وانبسطي وروحي وتعالي خفيفه نامي على راحتك وقوومي انبسطي بجسمك
لاحقه عالحمل توك صغيره وزوجك شكله مو مره متحمس عشان كذا اجلي
وحياة اول غير اللحين يعني لاتقارنين نفسك بأمه ولا كيف ربت عيالها
وزوجك اذا له نيه يسفرك راح يسفرك بذكائك واسلووبك حتى لو ماحملتي..
فكري بالمسؤليه وحياتك كيف بتصير لاتفكرين بالسفره وبس

واذا مره مصمم عالحمل قولي لمايصير الولد عمره 2 ونص وخليه يجيبلك خداامه لان المسؤليه كبرت