السلام عليكم ورحمة الله وبركاته
الحمد لله على كل حال امس رحت لمستشفى المواساة بالدمام قالت لي الدكتورة ان نبض الجنين متوقف من اسبوع و قالت لي لازم نعطيك تحاميل تنزل الجنين
انا خفت وطلعت ورحت لمستشفى الولادة والاطفال قسم الطوارئ قالو لي لازم احنا نسوي السونار عندنا ورحت بسوي قالت لي لازم بعد اسبوعين نعطيك موعد وانا الالام ذبحتني
رحت لمستوصف الذكير قالت لي الدكتوره فعلا الطفل متوفي من اسبوع بسبب فايروس وانفلونزا جتني والمشيمه منفصله عن الجنين
بعدين لقى زوجي واسطه بالولادة والاطفال واليوم من الساعه 8 الى 12 وانا عندهم ذبح وذبيح ياجاني تهزيئ محترم منهم عشان جيت بواسطه بدون موعد وبعد عذاب سوو لي الاشعه ورجعت للطوارئ عشان تتأكد
بالاخير قالت لي سوي موعد بعد اسبوعين لاتجينا قبل الا اذا نزفتي والا مانستقبلك :44:
واللحين انا خايفه يابنات اصبر لين بعد اسبوعين والا اروح لخاص اسوي التنظيف مع انو الالم مازال مستمر يشتد فتره ويخف مررررره تعبانه نفسيا وجسديا :(
ايش افضل مستشفى خاص اقدر اسوي فيه التنضيف بالدمام او الخبر او الظهران ؟؟؟؟؟؟
وبعد ما اسوي العملية اصلي والا اعتبر نفاس ؟؟ مع انو قلبه كان ينبض وتوقف ؟؟
شاركي في النقاش
سجلي الدخول لإضافة تعليق.
التعليقات
7- Up Up
- الله يعوضك خير ياقلبي بالنسبه للمستشفى اعرف وحده نفس حالتك وزي ماقلتي قالو لها بعد اسبوعين لان كان معها الم خفيف بس ماعندها نزيف والدكتوره قالت لها افضل انه ينزل طبيعي بدون عمليه ورجعت البيت وشربت قرفه وتمشي تقريبا اقل من اسبوع جاها نزيف وطلق وراحت المستشفى وعطوها طلق اصطناعي ونزل طبيعي ولااحتاجت عمليه وانتي اذا كان عندك بس الم خفيف وماعندك نزيف انتظري كم يوم والله يقومك بالسلامه
- ياقلبي حتى المستشفى الخاص اذا رحتي وماعندك نزيف بيكون الرحم مقفل وبعطونك تحاميل لين يفتح الرحم عندك والافضل انتظري واذا حسيتي بشي روحي الطواري وتطمني
- أصبري لما يبدأ النزف
والصلاة لاتتركينها لانه مايعتبر نفاس
والله يعوضك بالذرية الصالحة - جزاكم الله خير
طيب المجربات علموني وش اسوي عشان انزله بدون عملية؟؟؟
مواضيع مشابهة
تابعي تجارب أخرى من هذا القسم.