ماشاء الله عليكم يابنات
عالبركه للي نزلت اوزانهم وعقبالي يارب
ياللا شدو الهمه يافريقي
وطبعا اليوم ماراح انزل وزني لاني لسا مابديت
الوزن الجاي راح اكون معاكم بإذن الله صحيح ماراح يكون لي عشر ايام في الريجيم
بس بنزله بإذن الواحد الاحد
ياللا نبغى همه وتشجيع ونصائح
ايوا من ملاحظاتي الفتره الي طافت
استخدمت هالخلطه
والله يابنات في الاجازه اني كنت اكل اكل واتغدا كبسات واتعشى في المطاعم وافطر
وكانت اجازتنا شهرين كامله ولاتنسون ان رمضان من ضمنها والسمبوسه واللقيمات
ابو التخبيص بس فيها :35:
بس كنت استخدم هالخلطه
وياربي لك الحمد لما رجعت بعد الاجازه ووزنت مازدت ولا كيلو وزني نفس الشيء 117
المهم لما رجعنا بديت اخفف واستخدمها وتفاجأت لما وزنت اخر مره اني نازله كيلوين 115
بس تخفيف من غير رياضه ولاريجيم
واتوقع لو اسويها مع تخفيف ورياضه بتجيب نتيجه رهيبه
واهم شيء انها خففت الكرش عندي ولله الحمد صح مو مرره بس خف شوي
المهم الخلطه هي
فص زنجبيل طازج بحجم الاصبع
تبشرينه وتحطينه في البريق مع نص ملعقه قرفه ونعناع ملي كف يدك
وتصبين عليها اربع كاسات ماء وتغلينها لمدة عشر دقايق على النار وريحته تجنن
بعدها طفيه وحطي ملعقة شاي اخضر انا كنت احط ملعقتين بس اذا النوع الي عندك مر وقوي خليه ملعقه
وخليه ينقع عشردقايق من غير نار
وبعدها صفيه في ترمس
واشربي فيه طول اليوم بعد الوجبات انا كنت بعد الوجبه بساعه اشربه
والحمد لله ياربي اني مازدت ولا كيلو على اني كنت متوقعه اني ازيد على الاقل 6 كيلو على الاكل والتخبيص الي خبصته
واللي تجرب تنزل لنا تجربتها
•·.·°¯`·.·• يوميات مسابقة معاً للتحـدي ( الفريق الأحمـــر100 فما فوق ) •·.·°¯`·.·•
متابعة النقاش، صفحة 101