ملف اهالي الموقوفين "يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ ..

السلام عليكم ورحمة الله ..

كيفكم بنات ؟ > أقولها وأنا أحس نفسي عجوز من الهم الحمدلله والشكرلله

وش سالفة 3 ردود للجدد بس ؟ حتى هنا اذلال خخخخخ

إلا كأني أسمعكم تحون عن المساعدة مدري المعونة صح ما نزلت لحد الآن ؟

مدري وش سالفتها ! الله لا يحوجنا !


عندي ولد عمره 4 سنوات وزياده وكل همه يبغى يكبر ويطول

وهالأيام يقول لي ... ماما عاااااادي أرجع صغير .. وترجع شغالتنا القديمة وتروح الجديدة .. بس أهم شي يرجع بابا !

رحمممممممته من جد يتذكر أبوه وهو صغير

يالله ع الصغار وإحساسهم !


مره أخوي خذه معاه وأخوي ما وده ورجع يقول لي الولد : ليه يا ماما ما يجي بابا يوديني ويمسكني واركب في سيارته

وطول الوقت يحكي عن ابوه ويسأل عليه !


مدري وش أقوله وش اسوي له

أقول له أبوك يدرس عشان يجيب فلوس ويشتري بيت وسياره والعاب و و و

يقول ما نبغى بيت ولا العاب ولا شي بس خليه يجي



يالله تفرج لهم عاجلا غير آجل عشان هالصغااااار اللي قطعوا قلوبنا :(

ما شاءالله عليه ابداع

مع السلامه