اداتين لصنع البسكويت ما عرفت استخدمهم وصورتهم علشان تساعدوني

السلام عليكم ورحمة الله وبركاته


بصراحة انا يديده في صنع البسكويت وهالايام بديت اتعلم شوي شوي وخذت ايدي الحين على البيتي فور واسويه بطريقة لذيذة وهشه يجنن


واشتريت من السوبرماركت هالقطاعات والادوات الخاصة بصنع البسكويت هذي الصورة الأولى





واظنها تنفع قطاعات بسكويت واريد اسوي عليه البسكويت الي يكون عليه سكر خشن او اي فكره حلوة من افكار خبيراتنا



الشي الثاني وهو هذا الي بالصورة





انا شفت الحلو الي يسونه فهالقوالب عادة يكون فيه حشوة التفاح الي مثل في فطيرة التفاح لكن هذا بسكويت او يكون لوز محمص بالكراميل او اي فكرة من افكاركم لا ترحمونا منها


في الاخير اطلبكم اطلبكم اطلبكم طلبــــــه ارجوكم لا تردوني فيها اريد اتعلم العجين لهالانواع من البسكويت وحرام اشتريهم ولا استخدمهم


ساعدوني الله يخليكم ودي افاجأ الاهل يوم يرجعون من الحج واسوي لهم البسكويت والحلو من ايدي هالمره :)

5 تعليق 1,328 مشاهدة

شاركي في النقاش

سجلي الدخول لإضافة تعليق.

التعليقات

5
  1. اول صورة
    تستخدم هذه القطاعات للبسكوت و البيتي فور
    ثاني صورة
    تستخدم هذه القوالب للبسكوت و البيتي فور الرقيق و اللي تحطي عليه مكسرات او مربى او شي ثاني
    و للشوكولا السايحة اللي تحطيها في الثلاجة و تطلع رقيقة
    اللي للتارت تكون اغمق شوي
    ارجو ان اكون قد افدتك
    اما بالنسبة للوصفات فلي رجعة ان شاء الله
  2. الصورة الأولى لقطاعات للبتيفور
    وانا أعمله بالطريقة الآتية
    1.5أس دقيق ومثلها نشا
    3 بيضات
    314 كوب سكر بودرة
    2 زبدة أصبع لينه
    م ص بكم بودر ومثلها فانيليا
    وإذا حابته بالشوكولاته أضيفي 3 م ك شوكولاته بودرة
    وأعجني المقادير كلها مع بعض فتصير عندك عجينه متماسكه ثم أفرديها على طاوله بسماكة 1 سم
    وقطعيها بالقطاعات ورصيها في صينيه مدهونه والزوائد أرجعي تاني كوريها وأفرديها
    لا ترمي شي وبعدين أخبزيها 10 دقائق في الرف العلوي للفرن
    وكل إثنين ألصقيهم بشوكولاته سائله(أنا أسيح جالكسي في حمام مائي)
    ولا تنسينا من الدعوات
  3. @bashamyl

    انا بعطيج فكره يديه و حلوه للأدوات اللي فوق

    أنا استخدمهم لموالح التوست . يعني اقطع التوسته بواحده من القطاعات و ادهنها بلبنه مثلا و ازينها بخطوط من الزعتر و ازينه بالطماط
    و آخذ شكل ثاني من القطاعات و ادهنه بشووووويه مايونيز و احط فوقه تركي أو مرتديلا و اقطعهم مع بعض بالقطاعه و بعدين ازينهم بزيتونه
    و شكل ثاني اقطع التوسته مع جبن سلايس و شريحة خيار .... و جذي .. و تعالي صفيهم بهالالوان الحلوه والله يطلع مووووووووووووو طبيعي .. و ادعي لي لما تشوفين النتيجه

    أما الشكل الاشكال اللي في الصورة الثاني فشوفي المشاركتين اللي على هالرابط من الخوات جزاهم الله خير بالمنتدى

    http://forum.hawaaworld.com/showthread.php?t=303487
    للاخت جهينة

    http://forum.hawaaworld.com/showthread.php?t=325676
    للغالية أم الثلاثه

    و انشاء الله اكون فدتج يا الغاليه :)
  4. "بيتي فور

    المقادير:

    كوبين دقيق
    كوب سكر ناعم
    كوب سمنة (ممكن بدل السمنة زيت)
    ملعقتين كبيرتين نشا
    3 بيضات
    ملعقة صغيرة فانيليا
    ملعقتين صغيرتين BB



    الطريقة:

    - يخفق البيض والسكر والسمنة والفانيليا مع بعض .
    - ثم يضاف الدقيق والنشا والبيكنج بودر (يمكن اضافة بودرة الكاكاو).
    - ثم تشكل بآلة البيتي فور او البسكويت وتخبز في الفرن.
    - بعد ذلك تزين بالمربى والمكسرات وجوز الهند .. وصحتين وعافية.. "

    منقول
  5. @shms_13

    صاحبة الموضوع
    orkidia



    amal_mostafa



    باشاميل



    مشكورات خواتي ويزاكن الله خير والله ما قصرتن الساع

    بصراحة يبتوا لي افكار حلوة ومميزة وخصوصا فكره استخدمها للتوست روعه اسوي لي صحن واشيله ريوق لربيعاتي فالدوام شي حلو بصراحة وبالنسبة للبيتي فور الي عطيتوني وصفاته راح ارجب اسويهم فنهايه الاسبوع (بروفا) واخبركم بالنتيجة ..


    الله يوفقكن ويرزقكن من خيره ويبارك فيكن يارب


    والي عندها بعد من الاخوات اي افكار او وصفات حلوة تحطها لا تبخل علينا منها انا اتعلم واستفيد ويتعلم غيري ويستفيد..


    مشكورات اخواتي مره ثانية

تابعي تجارب أخرى من هذا القسم.