تعالن اريد مساعدتكن ..

بسم الله الرحمن الرحيم ..

خواتي في الله ..

عندي مشكله ومن بعد رب العالمين طابه نصحكم ومسااعدتكم ..

يمكن بتلاحظوو ان مشكلتي تافه أو عاديه .. بس انا بنسبى لي غير

قبل كل شي .. معلومه صغيره عني ..
عمري 20 وشهر واحد بدخل 21 .. ( العمر كله يارب )
طالعه من الجامعه من سنه تقريبا ,, والحين ادور عن شغل ..
أمي متوفيه من لما كان عمري 5 سنين .. رب العالمين عوضى بزوجة اب لله الحمد حنونه وطيبه وانا انديها امي ..

بتقوولو وين المشكله ...

المشكله ( ربي يبعد عنكن المشاكل ) ..
المشكله في شخصيتي ...
شخصتي وايد ضعيفه .. رغم اني نص هبله .. ع قوولت اخوي .. في جلساتي .. العائليه ( الحريم ) .. اسووولف وضحك مادري بس احس اني اتصرقع زيااده ..
ومرااات ألطشها يوم يكون الوالد قاعد ..
بطبيعتي انسانه طيبه ,, وكم وكم وكم مره نصحتني امي .. يقول بسج طيبه ترا مامنها فايده .. من يومين امي قالت لي .. سوي لنفسج شخصيه .. وبلاه الهباله الزايده ..
والله كلامها حز في خاطري .. بس شو اسوي ماا اقدر .. دخلت غرفتي حبست دمعتي عن تطيح .. لأن عارف امي على حق ...
المشكله الأكبر .. ان خواني الصغار ..بعدهم مابين ابتدائي وعدادي ..( اخواني من أبو) .. مش مسوين لي سااالفه موول ..والله عندي اختي الصغير أول عدادي ..
يوم تصعب مني تقعد تتنازع وانا وافقه ولا اقول شي لني بصراحه اخافها ..
أخواني أذا غلطو بحقي ما اقول شي .. بس ارح اخبر امي .. امي تنازعهم ومرات توصل لضربهم .. بس امي قالت أن اتي لو ماشدتي عليهم ماراح يحترمووج ..
شوفي اختج (أختي من أمي وهي اصغر عني بسنه ومتزوجه ) كيف اخوانج يحترموها ..( لما كانت عدنا في البيت )
تخيلووو مره كان في خلاف بيي وبين وحده من قرايبنى وكل ماتتصل انا ما اارد عليها .. وظليت ع الحال اشهوور . بعدين امي قالت لما تتصل كلميها وقولي لها انج ماتبي تكلميها .. ولاتقعدي تتهربي منها ..تعرفو وش رديت ( اخاف اكلمها تطلع مني كلمه تجرها ) ( رغم أن البنت أهلها ظلموووني ) وانا ماكنت اريد اكلمها عشان ما اتذكر الي صابني من اهلها ..
دايم اساعد الناس ع حساب وقتي وراحتي ..
اتمنى انكن فهمت عوقي .. انا خايفه من باجر اذا رب العالمين كتب لي زوج وعيال
كيف بعاملهم وانا ماعندي شخصيه قياديه .. :icon33:

عزيزاتي اذا في اي سؤال انا حاظره ؟