تجهيز الأم والمولود وكل ما يتعلق بالمحلات هنا(الجزء الخامس)

Noor Ali......طلب بسيط.....ممكن لما توصل تجهيزاتك من أمازون ....تعرضيها....و تحكيلنا اكتر عن تجربتك معاهم ..و كم كلف التوصيل.....انا ناويه ان شاء الله اشتري كام حاجه منهم....بس الأول أسأل حد مجرب
شكرا مقدما

ماشاءالله تبارك الله

ملابس
لأن الأجهزة ماحتاج شي كل شي عندي من ولادتي الأولى ..
يمديك تطلبي أي شي .. بس أعرفي أول سعره في السوق عندنا ..
وأحسبي تكلفتة لما تاخذية من أمازون (سعر الشراء + سعر الشحن للبريد اللي بأمريكا + وسعر الشحن واصل للمنطقة اللي أنتي فيها ) وشوفي هل يستحق أنك تاخذية من أمازون ولا من السوق أفضل ..
أنا شريت الأشياء اللي ماتكون عندنا هنا أو صعب تلاقيها ..
مثل المهادات .. وبعض الإكسسواريز للبيبي ..





إن شاء الله أعرضها ..
وأنا هذي كانت أول مرة أطلب فما كثرت طلب لأن تجربة .. علشان تصير عندي خبرة للمرات القادمة ..

وهذي بعض الأشياء اللي ممكن تنفعك في الطلب :..
- أن البريد اللي بأمريكا تكون عندة خاصية أنك تقدري تجمعي طلباتك كلها مرة وحدة .. وبعدين يشحنها على بلدك
لأنو أمازن عبارة عن كذا بائع .. وأنتي لما تشتري من بائعين مختلفين كل واحد راح يرسل بضاعته على بريدك لوحدو .. وإذا أنتي ماجمعتيها بأمريكا قبل ترسليها هنا .. راح يطلع الشحن دبل ..
لأن الشركات تحسب لك الكيلو مثلاً 40 أو 60 ريال .. ومافي أقل .. فتصيري تدفعي على كل قطعه هذا المبلغ مع أنها يمكن ماوصلت كيلو

بس لو أنتي جمعتيها راح تدفعي حق عدد الكيالو فقط لأنها بتصير شحن وحدة

أو في خيار ثاني من أمازون نفسة .. أن هو يجمع طلبيتك من البائعين بإضافة مبلغ بسيط .. ويقوم يرسلها مرة وحدة على بريدك بأمريكا .. وبكذا راح تحسب شحنة وحدة لما توصلك على بلدك ..


- لما تجي تتسوقي في أمازون أنتبهي أن بعض البضائع تكون مكررة عن كذا بائع .. بس مع أختلاف السعر .. فأنتي شوفي وين الأفضل .. ولاتنسي تحسبيها مع قيمة الشحن وتعرفي وين يطلع لك أرخص

- إذا كان في (رفيوز) من مشتريين أقريها .. وتقدري تعرفي إذا هذي القطعه ممتازة ولا خامتها أو نوعيتها سيئة ..

- لاتتهوري في طلب الشغلات الثقيلة مثل عربات الأطفال .. يمكن تكون أرخص عندهم بس أعرفي سعرها مع الشحن واصلة لعندك كم .. وبعدين شوفي إذا أفضل تطلبيها ولا تاخذيها من السوق

- إذا أحد يبغى ياخذ أجهزة أنتبهو على سالفة الضمان .. (أنا ماجربت أخذ أجهزة من أمازون ) بس كنت ماخذة جوال من قبل من موقع بريطاني وتعتبر سالفة الضمان شيء مهم


إن شاء الله أكون أفدتكم بشي ..

مين شرت شنط للطلعه للبيبي من سنتر بوينت وياريت تصورها لنا