اول هوشه او كسحه من ام زوجك تعالوا خلونا نفرفش ونضحك مع مواقف بعضنا

أم زوجي الله يهديها ويكفيني شرها وشر بناتها الخايسات وكالة رويتر وفيها لقاافه تكفي المملكة وعندها خطط تصدر للعالم وكلش تبحث فيه وتسوي جلسات أستجواب يوميه لزوجي ياتليفون ياتقابله وتاخذها من راسه المهم مره كنا مسفرينها رحله دينيه عمره والطايف وجده الزبده حطتني في راسها لدرجة تطل في بوكي تشوف فيه فلوس أولا المهم قلت زوجي قدامها عفوي عطني فلوس بروح أنا وأخته للبقاله بجيب خرابيط على ذوقنا مع القهوه والشاهي نطت بسم الله علي بغى يطق فيها عرق وشوله تعطيها بوكها مليان أنا ناظرتها وناظرته وجلست ومشيتها ولارحت وقلت لزوجي نبي موية صحه بسوي رضعه لبنتي مويتها حاره نطت لاتقوم خلها تروح تجيبها هي على راسها الفلوس اللي في بوكي سكت وزعلت وقمت أهز بنتي مسكينه ماتت من الصياح ويوم أنزعج قام يجيب مويه وزعلي ولاكلمتني وتناظرني بنص عين وياما من هالمواقف...

والله انا ام زوجي تحطينها ع الجرح يبرا والله اني استحي منها من كثر مااهي طيبيه وتحشمنا مره مره ودي اقدملها ربع اللي تسويه بس ماادري وشلون ماللي الا الدعاء لها بان الله يجزاها الف خير
اما بناتها مثل اخواااتي بالضبط نااس اجواااااد مرره

طيب لو كل ام زوج تمنت لمرت ولدها مثل ماتتمناه لبنتها كان ماصار مشاكل
مرت اخوي بالعكس نحضه عليها دايم نقول مشها سافربها دلعها وخلك حنين معها
لان اللي نتمناه لانفسنا نتمناه لها

ليت كل الناس يسوون كذا كان ماشفنا المشاكل الي تشيب بالراس بعض العمات ودك تحطينها بحفره وتحطين عليهأ تراب