شاركي في النقاش

سجلي الدخول لإضافة تعليق.

التعليقات

2,187
  1. @rmash

    صاحبة الموضوع
    نتريه مشاركتج يا اخصائيه تغذيه

    ميس دودي ان شاءالله البنات يفيدونج
  2. @gbal_oshol

    رماسه
    يالغاليه ام خليفه هذا رايج ولكن راي ماشاءالله عليها فنانه بالميكب لانه مكيجتني بعرسي ولكن اشك يا ام خليفه انج تغارين منها اكثير لانه اسلوبج اسلوب مش طبيعي للاسف واذا ما عيبج مكياجها حسب ضوق ولكن يعجبني مكياجها لانه ضوقي في قمة الاناق…
    الغالية رماسة

    أدري إنه السالفة انتهت .. والحمدالله إنكم تصافيتوا

    لكن بغيت أنبه على جزئية يقع فيها الكثير .. وإهيه إنهم يتضايقون لما وحدة تقول:
    (( مكياجي اللي أحطه لنفسي أحلى))

    يتعاملون مع هالجملة كأنه سبة

    في حين إن الكثير من بنات الإمارات ماشاء الله عليهن حطهن في المكياج رووعة ويتفوق على كثير من الصالونات

    ليش الإستهانة في قدرات الزبونات .. ولا لازم إنها تفتحلها صالون عسب الكل يعترف فيها مع إنها تكون فنااانة؟؟!!


    وثاني شي بالنسبة للصالونات عموما في ممكيجات ما يعرفن يمكيجن إلا نوع معين من الحريم

    يعني مثلا صالون(( مورا )) واللي يعد صالون مشهور جدا ومفضل لدى الكثير من الإماراتيات

    وأشهر من الأخت خلود لأنه لهم خبرة سنوات ومسوين لأنفسهم دعاية في كل المجلات

    ويمكيجون ملكات جمال لبنان

    ومع ذلك فهم ما يعرفون يعدلون إلا البنات البيض الحلوات.. أما البنات الخليجيات ما يطلعونهم حلوات

    ولكن هل هالشي خرب على سمعة الصالون؟؟!! .. أبدا والدليل إنه لين أحينه في عرايس ما يبن إلا (( مورا ))

    وثالث شي : جداً مستغربة لما بعض الخوات ياخذون المسألة بمنظور شخصي

    يعني انتي قلتي إنها لما ما عجبها مكياج خلود الكويتيه كأنه سبت ذوقج ؟؟!!

    ليش يعني فهمتي جي؟؟ وايد نمدح أشياء للبنات وما يعجبهم لكن ما ناخذها بشكل شخصي أبدا لأنها مثل ما قلتوا في الأعلى (( مسألة أذواق))

    صراحة أخت رماسة من كثر ما تمدحين أم محمد للجلابيات و خلود للمكياج

    صرت حتى أشك إنج وحدة منهم أو إنهم قريباتج وتسويلهن دعاية وتاخذين المسألة على مستوى شخصي

    أنا أعرف إنها احتمال كبير أنج تكونين مجرد زبونة عندهم عجبج شغلهم وحبيتي تفيدين البنات

    لكن لا تلومين أي بنت لو اعتقدت إنج إنتي وحدة منهم أو إنج تقربين لهم من كثر ما تمدحينهم و تزعلين من اللي ينتقدهم

    لأن أي شي يزيد عن حده ينقلب ضده

    و السموحة الغالية على صراحتي معاج
  3. @rmash

    صاحبة الموضوع
    صراحة أخت رماسة من كثر ما تمدحين أم محمد للجلابيات و خلود للمكياج

    صرت حتى أشك إنج وحدة منهم أو إنهم قريباتج وتسويلهن دعاية وتاخذين المسألة على مستوى شخصي
    الغاليه لي شرف لو كنت اعرفهم او قريبتهم
    اولا: لانهم محترمات من الدرجه الاولي ولي يحترمج غصبن عليج بتحترمينهم

    وفي شي موجود بالمنتدى وهو ليه تضنون الي يمدح حد يكون هو الي مسويلا دعايه او قريبه الي يفكر هالتفكير يشوف نفسه اولا لانه أظن هو الي يعمل هالعمله ويظن الناس شراته
    ثانيا : انا ما ازعل من اي وحده تقول ان شي الي ما عيبها بمكياج خلود او جلابيات ام محمد وهذا ضوق كل وحده ومحد بيدخل بأضواق الناس

    ولكن اذا كنتي منزله موضوع وحابه تفيدين البنات من درجه الاولى بتخبرينهم صح

    يعني مثال عسب تفهمين لانه في ناس يمكن فهمهم بطيئ وما يفهمون شو لي اكتبه لانه لو كنتي فاهمه الي كاتبتنه ما رديتي علي بهذا الاسلوب المزعج

    (((( يعني لو انتي مادحتلج بضاعه وانتي عاجبتج هذي البضاعه من شغل وحبيتي تفيدين البنات الي يسألون عن الي يبغونه هذا عيب مش عيب .
    وحده منهم اطلبت الرقم منج اوكي وعطيتيها الرقم اوكي وسارت وما عيبها
    يعجبج اسلوب وحده وعلني ومحد سألها عن البضاعه او غير ذالك وتقولج عالعام يا جبال الصراحه انا شفت البضاعه وما عيبني وانا عندي بضاعه احسن منها شو بكون موقفج وبكل صراحه وبدون زعل ))))
    بتزعلين ولا لا لو راده عليج بالخاص ما راح تزعلين صح

    ويا اخت جبال أظن انتي لج موضوع مميز وهو رساله لزبونات
    ((والآن أنتقل إلى جزئية مهمة أخرى

    وهي إنك عملتي جميع الأمور السابقة من استخارة واستشارة .. الخ

    وتوكلتي على الله واشتريتي من عند التاجرة شي معين

    بعد فترة لقيتي هالمنتج بسعر أرخص بكثير في السوق

    إذا ما عجبج فرق السعر ..ابعثيلها رسالة على الخاص وانصحيها بعدم المغالاة بالسعر

    راسليها بأسلوب مباشر ومهذب وبطريقة أخوية
    ( وماله داعي لأساليب اللف والدوران : الدخول بنك نيم ثاني وتسبها وتتهمها بالغش )

    إذا أخذت بنصيحتج كان بها..وإذا ما أخذت فانتي ما تقدرين تلزمينها بهالشي لأنه شي راجع لها
    وإهيه مب قاعدة تغش

    و أؤكد على الخاص لأنه الستر زين وقطع الأعناق ولا قطع الأرزاق

    يقول الشاعر
    تعمدني بنصحك في انفرادي ****وجنبني النصيحة في الجماعة
    فإن النصح بين الناس نوعا ****من التوبيخ لاارضى استماعه ))


    واتمني يا اخت جبال لو عندج رمسه ومن الخاطر وكنتي ما تحبين المشاكل كنتي بعد تردين علي بالخاص مب بالعام لانه السالفه انتهت والحمدالله ما بيني وبينها اي مشكله وان شاءالله تسامحني ام خليفه
    والانسان مب معصوم من الاخطاء يا جبال
  4. @gbal_oshol

    أختي رماسة

    موضوعي اللي في توقيعي ينطبق على التاجرات اللي مشاركات معانا بالمنتدى وخاص بركن العروض التجارية

    وليس خاص بهذا الركن

    ولج حق إنج تطالبيني بالإسلوب بنفسه لو كنتي إنتي نفسج خلود أو أم محمد

    لكن نحن في ركن ساعدوني .. من حق أي وحدة إنه تقول رايها بحرية وعلانية طالما انها ما تأذي عضوة معانا في المنتدى

    واللي فهمته من ردج إنج مش خلود ولا أم محمد (( إذا محد ظرج ولا حد أذاج بالكلام )) ليش الزعل عيل ؟؟؟!!

    والخوات أم محمد و خلود حالهم حال أي وحدة راعية صالون أو محل ...

    من حق أي حد إنه ينتقدهم ويعبر عن رايه فيهم بالسلب أو الإيجاب

    وما أعتقد إنه فيه قطع للأرزاق لأنهم مش تاجرات في المنتدى عندنا

    فبالتالي ما ينطبق عليهن أي كلام من اللي قلته

    عموما أختي رماسة مبين من أسلوبج إنج تحبين تفرضين رايج وما عندج قدرة على التعامل مع الآخرين في حالة اختلافهم في الراي معاج

    وتقول المقولة : اختلاف الرأي لا يفسد في الود قضية

    لكن على ما يبدو إنها تفسد الود معاج لأنج ما تبين حد يقول رايه بصراحه وما تتقبلين آراء الآخرين المخالفة لرايج

    والدليل : ما عجبج رد الأخت أم خليفة .. وما عجبج ردي

    عموما أنا تيقنت إنج إنتي خلود نفسها وهذا الشي ما يسئ لج بس ياليتج لو سجلتي بهويتج الحقيقية

    وحطيتي للبنات نماذج من شغلج .. هذيج الحزة بيكون موضوعي عن رسالة للزبونات ينطبق عليج

    وكل كلمة قلتيها على عيني وعلى راسي

    لكن الأساليب الملتوية في مدح شغلج هذا مكشوف وواضح للجميع و ماله داعي

    وأعتبره نوع من الدعاية الفاشلة اللي تفقد المصداقية لأنه مع الوقت الشخص اللي يبالغ في مدح نفسه يفقد مصداقيته

    وانتي حرة ..

    إذا تبين الربح وتبين تكسبين ثقة الآخرين تعاملي دايركت معاهم

    وإذا تبين الناس مع الوقت تعتقد إنج مجرد مروج للإعلانات خلج على اسلوبج هذا وتمي امدحي فيهم الين ما الناس أوتوماتيك تطفر منج

    ونصيحتي لج

    لا تاخذينها بطريقة شخصية أبدا لأنج بتتعبين وبتعبين الناس حولينج

    :27:

تابعي تجارب أخرى من هذا القسم.